काठमाडौं, मंसिर १६-
सिद्धार्थ बैंक नेपाल प्रिमियर लिग (एनपिएल) अन्तर्गत मंगलबार दिनको दोस्रो खेलमा पराजित भएसँगै कर्णाली याक्स लिग चरणबाट बाहिरिने पहिलो टोली भएको छ।
कीर्तिपुरस्थित त्रिवि मैदानमा भएको खेलमा कर्णालीलाई पोखरा एभेन्जर्सले ३४ रनले पराजित गर्यो। अन्तिम खेलअघि २ अंक मात्र जोडेको कर्णालीले अन्तिम जिते पनि शीर्ष चारमा रहेर प्लेअफमा पुग्नेछैन।
किनकी ४-४ अंक जोडेका पोखरा र चितवन राइनोजले एक आपसमा खेल्न बाँकी छ। जसका कारण यी मध्ये एक टोलीको ६ अंक हुनेछ भने अन्तिम खेलमा जित निकाले पनि कर्णाली बाहिरिनेछ।
