हाम्रो बारेमा

पत्रकारिताको विकास क्रममा पत्रपत्रिका, रेडियो, टेलिभिजन हुँदै अहिले अनलाइन न्युज पोर्टलहरु आएका छन् । पत्रपत्रिका, रेडियो र टेलिभिजनको सञ्चारक्षेत्रमा आआफ्नै किसिमको फरकफरक योगदान रहेको सर्वविदितै छ ।

सञ्चारका यी तीन वटै माध्यमलाई एकसाथ प्रतिनिधित्व गर्ने, तीन वटै माध्यममा भएका गुण एकैसाथ पाइने माध्यम बनेको छ अनलाइन न्युज पोर्टल । अहिले लोकप्रिय बन्दै गइरहेको सञ्चारको माध्यम, सबैसामु सहज पहुँच पुग्न सक्ने माध्यम, कुनै निश्चित भुगोलमा सिमित नभइ समग्र विश्वमा फैलिएका सबै मानिसको पहुँचमा पुग्न सक्ने माध्यम हो अनलाइन न्युज पोर्टल । यीनै कुरालाई मध्यनजर गर्दै चितवन आज मिडिया हाउस प्रालिले ‘चितवन आज डटकम’ नामक अनलाइन न्युज पोर्टल सुरु गरेको हो ।

चितवनमा लामो समय पत्रकारिता क्षेत्रको अनुभव बटुलेका अग्रज र पत्रकारिता क्षेत्रमा निकै जोश र जाँगरसहित उदाउँदै गरेका युवाहरु मिलेर चितवन आज डटकम सुरु गरेका हुन् । केही दिन परीक्षण गरेपछि वि.सं. २०७८ फागुन २ देखि चितवन आज डटकम आधिकारिकरुपमा व्यावसायिक पत्रकारिताको तवरले अघि बढेको हो ।

चितवन आजले पत्रकारिताको आधारभूत सिद्धान्त, पत्रकार आचारसंहितालाई पालना गर्दै सत्य, तथ्य र विश्वसनीय समाचारहरु निडरताका साथ सन्तुलित भएर प्रकाशन गरिरहेको छ । र यसरी नै अघि बढिरहन प्रतिवद्ध छ ।

00000

चितवन आज डटकममा हामीले चितवन र यस आसपासका जिल्लाका स्थानीय समाचारहरुलाई विशेष प्राथमिकता दिँदै राष्ट्रिय तथा अन्र्तराष्ट्रिय सबै समाचारहरु प्रकाशन गर्ने गर्दछौं । अनलाइन न्युज पोर्टलका साथसाथै हामीले ‘चितजन आज’ नामक फेसबुक पेज, युट्युब, ट्विटर र टिकटक पनि सञ्चालन गरेका छौं । हामीले अनलाइन टिभीमार्फत भिडियो तथा अडियो सामग्रीहरु पनि प्रशारण गरिरहेका छौं ।

अनुभवी, जोश र जाँगर भएका श्रमजीवि पत्रकारहरुले स्वरोजगार बन्ने उद्देश्यअनुरुप सञ्चालन गरेको चितवन आज छोटो समयमै चितवनसहित छिमेकी जिल्लाहरुमा लोकप्रिय बन्न सफल भएको छ ।

हाम्रा भरपर्दा समाचार स्रोत, विद्वान् लेखक, उदार विज्ञापनदाता र शुभेच्छुकहरुको साथ, सहयोग र हाम्रा पाठकवर्गको विश्वास र मायाले गर्दा नै चितवन आज डटकम प्रतिष्ठाका साथ अघि बढिरहेको छ ।