चितवन, पुष ११ –
क्यानडामा उच्च शिक्षा अध्ययन गर्न चाहने विद्यार्थी तथा अभिभावकहरूका लागि लक्षित गरी सिएससी ग्लोबल (CSC Global) ले विशेष कार्यक्रम ‘सिएससी ग्लोबल – क्यानडा एडमिशन एण्ड स्कलरशिप डे’ (CSC Global – Canada Admission and Scholarship Day) आयोजना गर्ने भएको छ ।
उक्त कार्यक्रम यही पौष १३ (डिसेम्बर २८) गते सिएससी ग्लोबलको कार्यालय, गणेश हल मार्ग, लायन्सचोक, चितवनमा बिहान १० बजेदेखि साँझ ५ बजेसम्म सञ्चालन हुने आयोजकले जनाएको छ ।
सिएससी ग्लोबल चितवनका सिनियर काउन्सिलर रुपेश गौतमका अनुसार कार्यक्रमको मुख्य उद्देश्य क्यानडामा अध्ययन गर्न इच्छुक विद्यार्थीहरूलाई एडमिसन तथा स्कलरशिपसम्बन्धी स्पष्ट र व्यवहारिक जानकारी प्रदान गर्नु रहेको छ । कार्यक्रममा क्यानडाका विभिन्न प्रतिष्ठित कलेज तथा विश्वविद्यालयहरूको प्रतिनिधित्व गर्दै सिएससी ग्लोबलमा प्रत्यक्ष परामर्श दिइने छ ।
कार्यक्रममा विशेष गरी क्यानडाको भिसा सफलता दर उच्च रहेको सिएससी ग्लोबलको अनुभव, साथै अघिल्लो पटक भिसा अस्वीकृत (refusal) भएका विद्यार्थीहरूले समेत पुनः आवेदन दिन सक्ने सम्भावना र प्रक्रियाबारे विस्तृत जानकारी दिइनेछ । यसले विगतमा भिसा समस्या भोगेका विद्यार्थीहरूका लागि कार्यक्रमलाई अझ आकर्षक बनाउने आयोजकको विश्वास छ ।
त्यस्तै, कार्यक्रममा सेप्टेम्बर तथा केही जनुअरी इन्टेकका लागि उपलब्ध कोर्सहरू, डिपेन्डेन्ट (पति/पत्नी) आवेदन प्रक्रिया, किफायती शुल्क संरचना, छिटो र सहज आर्थिक कागजात प्रक्रिया तथा उच्च स्कलरशिप अवसरहरूको बारेमा पनि विस्तृत जानकारी प्रदान गरिनेछ ।
चितवनमा मुख्य कार्यालय रहेको सिएससी ग्लोबलले विद्यार्थीहरूलाई क्यानडामा अध्ययनका प्रारम्भिक चरणदेखि सम्पूर्ण अध्ययन अवधिभर आवश्यक सहयोग उपलब्ध गराउँदै आएको जनाएको छ । कार्यक्रममा सहभागी विद्यार्थी तथा अभिभावकहरूले अनुभवी, समर्पित र प्रमाणित काउन्सलरहरूसँग एक–आपसमा प्रत्यक्ष भेटघाट गरी टु–वन मार्गदर्शन तथा काउन्सलिङ लिन सक्नेछन् ।
क्यानडामा अध्ययन गर्न चाहने सम्पूर्ण विद्यार्थी तथा अभिभावकहरूलाई कार्यक्रममा उपस्थित भई विज्ञहरूसँग प्रत्यक्ष परामर्श लिन सिएससी ग्लोबलले सबैमा आह्वान गरेको छ ।
