चितवन, फागुन २०-
टिकटकर तथा युट्युबर रतन कार्कीलाई प्रहरीले तारेखमा छाडेको छ । जिल्ला प्रहरी कार्यालय चितवनको अनुसार टिकटकर तथा युट्युबर कार्कीलाई साधपुछ पछि तारेखमा छाडिएको हो ।
टिकटकर तथा युट्युबर कार्कीलाई मौन अवधिमा उम्मेदवारको प्रचार गरेर भिडियो पोष्ट गरेका कारण नियन्त्रणमा लिएको थियो ।
टिकटकर कार्की जापान बस्दथे । उनी केही दिनयता नेपाल फर्किएर चुनावी माहोलको भिडियो बनाएर टिकटक तथा फेसबुक लगायतका सामाजिक सञ्जालमा पोष्ट गरेका थिए ।
