काठमाडौं – माओवादी केन्द्रले अदालतबाट रवि लामिछानेको विषयमा मुद्दाको पूर्ण पाठ नआउँदासम्म गृह मन्त्रालयबारे थप निर्णय नहुने जनाएको छ।
मंगलबारको पदाधिकारी बैठकपछि सञ्चारकर्मीसँग बोल्दै पार्टी प्रवक्ता कृष्णबहादुर महराले सर्वोच्च अदालतको आदेशको पूर्ण पाठ आएपछि मात्र गृह मन्त्रालयबारे निर्णय हुने जानकारी दिए।
‘सर्वोच्च अदालतबाट फैसलाको पूर्णपाठ नआउँदासम्म गृह मन्त्रालयबारे थप निर्णय हुँदैन,’ महराले भने, ‘प्रधानमन्त्री आफैँले राख्नुभाको छ।’
लामिछाने पदमुक्त भएपछि रिक्त रहेको गृह मन्त्रालय प्रधानमन्त्री प्रचण्डले आफैं राख्ने तयारी गरेका छन् । उनलाई पार्टीभित्र पनि अब गृह नछाड्न दबाब छ ।
