कमल बिक
मुगु माघ २
मुगुमा १४ वर्षीया बालिकालाई प्रलोभनमा पारी यौन शोषण गरेको आरोपमा नगर प्रहरी र सरकारी कर्मचारीसहित पाँच जना पक्राउ परेका छन् ।
पक्राउ पर्नेमा छायानाथ रारा नगरपालिकामा कार्यरत नगर प्रहरी छायाँनाथ नगरपालिका- ५ कार्कीवाडाका ३० वर्षीय वसन्त बहादुर कार्की र कृषि विकास कार्यालय मुगुका कार्यालय सहयोगी २२ वर्षीय वसन्त रोकाया छन् ।
उनीहरूलाई पुस २५ गते पक्राउ गरी पाँच दिनको म्याद थप गरी अनुसन्धान अगाडि बढाइएको जिल्ला प्रहरी कार्यालय मुगुका निमित्त सूचना अधिकारी इन्स्पेक्टर भूपेन्द्रकुमार बुढाथोकीले जानकारी गराए ।
पक्राउ पर्नेमा अन्य तीन जना बालक भएकाले उनीहरूको नाम, ठेगाना, वतन प्रहरीले खुलाएको छैन । कृषि विकास कार्यालय गमगढी कै सवारी चालक जुम्ला जिल्ला चन्दननाथ नगरपालिका-७ का ३० वर्षीय पदम बहादुर कठायत सहित तीन जना फरार छन् । पीडित बालिकालाई आरोपितले ०८० भाद्र १६ गते र २०८० असोज १० गते छुट्टाछुट्टै समयमा सामुहिक बलात्कार गरेको आरोपमा पीडित पक्षले आरोपितविरूद्ध पुस २३ गते जिल्ला प्रहरी कार्यालय, मुगुमा ९ जना विरुद्ध उजुरी दिएको थिन ।
पीडित पक्षको उजुरीको लगत्तै ९ जना आरोपित मध्य ५ आरोपितलाई छाँयानाथ रारा नगरपालिका गमगढी बजार बाट पुस २४ गते गिरफ्तार गरेको र थप आरोपित मध्य जुम्ला जिल्ला चन्दनाथ नगरपालिका -७ का ३० वर्षिया पदम बहादुर कठायत , मुगु छाँयानाथ रारा नगरपालिकाका १४ का १४ बर्षिया १ बालक र सोही स्थानका १५ वर्षिया २ बालक गरि ४ जना फरार रहेको जिल्ला प्रहरी कार्यालय, मुगुका इन्स्पेक्टर भुपेन्द्र बुढाथोकीले बताएका छन् ।
बालिकाको पेटमा १८ हप्ताको गर्भ रहेको समेत खुलेको छ । बालिकाको स्वास्थ्य बिग्रन थालेपछि परिवारले उनलाई अस्पताल लगेको थियो । चेकजाँचका क्रममा उनको पेटमा गर्भ रहेको देखिएपछि बालिकालाई प्रलोभनमा पारी यौन शोषण हुँदा गर्भ रहन गएको घटना बाहिरिएको हो । सोधपुछको क्रममा बालिकाले आफू माथि पटक पटक यौन शोषण भएको प्रहरीलाई समीक्षा बताएकी थिइन् ।
गत असोज १० गते वसन्त बहादुर कार्कीले बालिका बस्ने डेरामै गएर एकछिन काम छ भनी बोलाएर तान्दै आफ्नो कोठामा लगेका र त्यहाँ वसन्त रोकाया र पदमबहादुर रोकायाले बालिकालाई यौन शोषण गरेको पीडितको जाहेरीमा उल्लेख छ । बालिकाको बयान र जाहेरीका आधारमा पाँच जनालाई पक्राउ गरिएको इन्स्पेक्टर बुढाथोकीले जानकारी दिए । फरार भएकाहरूलाई पनि प्रहरीले खोजिरहेको र पीडित बालिकालाई एक संस्थाको संरक्षणमा राखिएको छ ।
