काठमाडौँ । महाराजगन्जस्थित त्रिवि शिक्षण अस्पतालले एमाले उपाध्यक्ष तथा संविधानसभा अध्यक्ष सुवास नेम्वाङलाई अस्पताल ल्याउनेबित्तिकै जाँच गर्दा जीवनसम्बन्धी कुनै चालन नदेखिएको बताएको छ ।
अस्पतालका निमित्त कार्यकारी निर्देशक डा सन्त कुमार दासले मंगलबार जारी गरेको विज्ञप्तिमा उनको आँखाको नानी फुलिसकेको र स्थिर रहेको तथा बीपी र प्लस अनरेकर्डेबल भएकाले चिकित्सकले ३५ मिनेटसम्म सीपीआर गरेको उल्लेख छ । तर, त्यति गर्दा पनि जीवनसम्बन्धी कुनै संकेत नदेखिएपछि मंगलबार बिहान ३ बजे मृत घोषणा गरिएको अस्पतालले जनाएको छ ।
