काठमाडाैं साउन २२,
प्रतिनिधि सभामा जारी गतिरोध हटाउन भन्दै छलफलमा जुटेका प्रमुख दलका शीर्ष नेताले संसदीय समितिको भागबन्डा शुरू गरेका छन् ।
सभामुख देवराज घिमिरेको पहलमा संसद् सचिवालयमा सोमवार दिउँसो साढे १२ देखि बैठक शुरू भएको हो । साढे २ बजेसम्म बैठक चलिरहेको छ ।
बैठकमा प्रधानमन्त्री एवं माओवादी केन्द्रका अध्यक्ष पुष्पकमल दाहाल प्रचण्ड, प्रमुख प्रतिपक्षी दल नेकपा एमालेका नेता केपी शर्मा ओली र नेपाली कांग्रेसका सभापति शेरबहादुर देउवा सहभागी छन् । दलका सचेतकहरू पनि बैठकमा सहभागी छन् ।
शीर्ष नेताको बैठकका कारण दिउँसो १ बजे बस्ने भनिएको प्रतिनिधि सभाको बैठक बस्न सकेको छैन । सुन तस्करी सम्बन्धमा उच्चस्तरीय छानबिनको माग गर्दै एमालेले साउन १० देखि संसद् अवरुद्ध गरिरहेको छ ।
तपाईको प्रतिक्रिया
सम्बन्धित समाचार
