काठमाडाैं असार ५,
आईसीसी एकदिवसीय क्रिकेट विश्वकप छनोटमा नेपालले अमेरिकाविरुद्ध लगातार दुई सफलता हात पारेको छ । टस जितेपछि पहिले फिल्डिङ रोजेको नेपालका लागि १.५ र १.६ ओभरमा करण केसीले विकेट लिएका हुन् ।
९ बलमा ४ रन बनाएर खेलिरहेका स्टेभन टेलरलाई केसीले एलबिडब्ल्यु धरापमा पारे । लगत्तैको बलमा केसीले शैतेजा मुकामल्लालाई आरिफ शेखमार्फत् क्याच आउट गराए । उनी गोल्डेन डकआउट भएका हुन् ।
खेलमा टस जितेपछि नेपाली कप्तान रोहित पौडेलले पहिले बलिङ रोजेका थिए ।
पहिलो खेलमा आयोजक जिम्बाब्वेसँग टस हारेपछि नेपालले पहिले ब्याटिङ गर्दै सम्मानजनक २९० रन जोडेको थियो । तर नेपाली बलर चल्न नसक्दा जिम्बाब्वे ४४.१ ओभरमा २ विकेट क्षतिमा विजयी लक्ष्यसम्म पुगेको थियो ।
पहिलो खेल हारेकोले नेपाल आज जित्नैपर्ने दबाबमा छ । अमेरिकापछि नेपालले बलियो वेस्ट इण्डिज र नेदरल्याण्डस्को सामना गर्नुपर्ने हुन्छ ।
