काठमाडाैं बैशाख १६,
एसीसी प्रिमियर कपअन्तर्गत कीर्तिपुर मैदानमा वर्षाका कारण रोकिएको नेपाल र कुवेतबीचको सेमिफाइनल खेल पुन: शुरू भएको छ । पानी पर्न रोकिएपछि खेल ४२ ओभरमा झारेर पुन: खेल शुरू गरिएको हो ।
यसअघि पाँच ओभर घटाएर खेल शुरू गर्नै लाग्दा पुन: पानी परेपछि खेल शुरू हुन सकेको थिएन ।
टस हारेर पहिले ब्याटिङमा उत्रिएको नेपालले २३.२ ओभरमा ३ विकेट गुमाएर १४१ रन बनाएपछि वर्षाले खेल रोकिएको थियो । खेल रोकिँदा नेपालका लागि कप्तान रोहित पौडेलले ४० बलमा ३० र कुशल मल्ल ३० बलमा ३२ रन बनाएर खेलिरहेका छन् ।
यसअघि कुशल भुर्तेलले ४३ र आशिफ शेख ३१ रन बनाएर आउट भएका थिए ।
तपाईको प्रतिक्रिया
सम्बन्धित समाचार
