चितवन, फागुन २३
चितवनको राप्ती नगरपालिका–५ खहरे पुल नजिक सडक छेउमा रोकिराखेको ट्रकमा ठोक्किएर कार चालकको मृत्यु भएको छ ।
बिहीवार दिउँसो १ः२५ बजेको समयमा पूर्व–पश्चिम राजमार्गमा इट्टा झार्नको लागि रोकिराखेको गण्डकी प्रदेश०४–००१ ख ००५१ नम्बरको (इट्टा लोड) ट्रकमा डडुवाबाट भण्डारातर्फ जाँदै गरेको बा ७ च २७१७ नम्बरको कार ठोक्किएको थियो ।
ट्रकमा कार ठोक्किँदा गम्भीर घाइते भएका कार चालक भरतपुर महानगरपालिका–११ बस्ने अन्दाजी ६० वर्षीय बद्री प्रसाद भट्टराईको चितवन मेडिकल कलेजमा उपचारको क्रममा आज बिहान ५ः२५ बजे मृत्यु भएको जिल्ला प्रहरी कार्यालय चितवनले जानकारी दिएको छ ।
प्रहरीले ट्रक चालक नवलपुर मध्यबिन्दु नगरपालिका–२ बस्ने वर्ष ३४ को गोविन्द महतो र सहचालक सोहि ठाउँ बस्ने वर्ष २६ को खड्क नारायण महतोलाई नियन्त्रणमा लिएको छ ।
तपाईको प्रतिक्रिय
सम्बन्धित समाचार
