पोखरा, ४ माघ
पोखराबाट जिप चोरेर लैजाँदै गरेको अवस्थामा प्रहरीले एकजनालाई पक्राउ गरेको छ। पक्राउ पर्नेमा गोविन्द परियार रहेका छन् । पार्किङ गरेर राखेको जिप लिएर जाँदै गर्दा पोखरा १४ समिनतराबाट जिपसहित परियारलाई पक्राउ गरिएको हो ।
उनले बुधबार बिहान साढे १ बजे अमरसिंह खेल मैदानमा पार्किङ गरेको ग२च २३४३ नम्बरको बोलेरो जिप चोरेको प्रहरीले जनाएको छ।
अहिले उनलाई चोरी तथा डाँका सम्बन्धी मुद्दामा कास्की जिल्ला अदालतबाट दिन ६ म्याद थप गरी अनुसन्धान प्रक्रिया अगाडी बढाइएको कास्की प्रहरीका डिएसपी श्रवणकुमार विकले जानकारी दिए ।
