२०, बैशाख, चितवन –
सत्य र तथ्य नबुझिकन हचुवाको भरमा अरुले भनिदिएका कुरा पत्याएर हिड्ने र सोही अनुसारको धारणा बनाउने हामी नेपालीको पुरानो बानी नै हो । चुनाव नजिकिएसँगै पछिल्लो समयमा भरतपुर महानगरपालिकालाई तत्कालिन केपी ओली सरकारले स्मार्ट सिटीको सूचीबाट हटाएको बजेट काटेको भनेर माओवादीका नेता कार्यकर्ताले जनतालाई भ्रम छर्ने प्रयास गरिरहेका छन् । तर, तथ्य भने त्यस्तो होइन् । चालु आर्थिक बर्षको बजेटमा तत्कालिन ओली सरकारले भरतपुुरको स्मार्ट सिटीको बजेट काटेको भनेर गरिएको हल्ला तथ्य र आधारहिन भएको पुष्टि भएको छ । जनताको बीचमा यहीँ कुरा उठाएर भ्रम छर्न माओवादीहरुले खोजिरहेको देखिन्छ । त्यसबेला नै भरतपुरलाई स्मार्ट सिटीबाट हटाएको भनेर केही सञ्चारमाध्यममा समाचार आएपछि शहरी विकास मन्त्रालयले एक विज्ञप्ती नै जारी गरेर भरतपुरलाई स्मार्ट सिटीको रुपमा विकास गर्ने योजना नहटाएको जनाएको थियो । मन्त्रालयले जारी गरेको विज्ञप्तीमा भरतपुरसहित बाराको निजगढ, गोरखाको पालुङ्टार, कैलालीको टिकापुरलाई स्मार्ट सिटीको सूचीबाट हटाएको भन्ने कुरा कपोल्कल्पित भएको उल्लेख गरिएको छ । मन्त्रालयले यस्ता सम्बेनशील विषयमा भ्रम सिर्जना हुने गरी समाचार प्रकाशन नगर्न र आधिकारिक पदाधिकारीबाट बुझ्न विज्ञप्तीमार्फत सचेत गराएको थियो ।
केपी ओली सरकारकै पालामा नारायणगढ गोन्द्राङ ६ लेन सडकका लागि बजेट विनियोजन गरेर अहिले धमाधम काम भैरहेको छ । यस्तैं, एमाले नेतृत्वमा रहेको जिल्ला समन्वय समितिको सहजीकरणमा जग्गा उपलब्ध गराई केपी ओली सरकारकै पालामा विनियोजित लागतमा अहिले भरतपुरमा आधुनिक सिटी हल बनिरहेको छ । तत्कालिन प्रधानमन्त्री केपी ओली यि आयोजनाको शिलान्यास गर्न भरतपुर आउँदा भरतपुर महानगरको निवर्तमान मेयर रेनु दाहालले बहिष्कार गरेकी थिइन् ।
केन्द्रीय सरकारको बजेटबाट भरतपुर महानगरको देवघाट क्षेत्रमा शव गृह, विभिन्न लिंक रोड र रिङरोड बनिरहेका छन् । केन्द्रीय सरकारबाट प्राप्त विकासका बजेट र काम उनले आफूले गरेको भनेर जनतामा भ्रम छर्ने काम निरन्तर गर्दै आएकी छिन् ।
हेर्नुस् विज्ञप्ती :
