काठमाडौं वैशाख १३,
जनमत पार्टीका अध्यक्ष सीके राउतले प्रतिष्ठाको विषय बनाएको बारा–२ को उपनिर्वाचनमा जसपाका अध्यक्ष उपेन्द्र यादव विजयी भए । उपेन्द्र यादवसँग टक्कर लिँदै आएका राउतले चुनावमा उपेन्द्रविरुद्ध शिवचन्द्र कुशवाहालाई मैदानमा उतारेका थिए । तर कुशवाहा ५ हजार भन्दा बढी मतान्तरले हारे ।
प्रतिष्ठाको लडाइँमा पराजय बेहोरेसँगै राउतले अन्ततस् नतिजा स्वीकार्दै यादवलाई शुभकामना तथा बधाई दिएका छन् ।
‘जसपाका अध्यक्ष श्री उपेन्द्र यादवज्यूलाई बारा प्रतिनिधि सभा निर्वाचन क्षेत्र नं( २ को उपनिर्वाचनमा विजयी हुनु भएकोमा उहाँलगायत जसपाका सम्पूर्ण नेता, कार्यकर्ता र शुभचिन्तकहरूलाई हार्दिक बधाई,’ राउतले सामाजिक सञ्जालबाट बधाई दिँदै भनेका छन्, ‘जनमत पार्टीलाई मतदान गर्नुहुने र अगाध माया दिनु हुने सम्पूर्णमा कोटिकोटि प्रणाम ।’
बारा २ मा जसपाका यादव २८ हजार ४१५ मतले विजयी भए भने जनमत पार्टीका कुशवाहाले २३ हजार ३३४ मत पाए ।
मंसिर ४ को निर्वाचनमा राउतले यादवलाई हराएका थिए ।
