काठमाडौं, माघ १८-
नेपाल क्रिकेट संघ (क्यान) ले पूर्वकप्तान सन्दीप लामिछानेमाथिको निलम्बन हिजो फुकुवा गरेको छ ।
फुकुवा गरेसँगै बलात्कारको आरोपमा प्रहरी अनुसन्धान सुरु भएपछि निलम्बनमा परेका सन्दीप पाँच महिनापछि फेरि राष्ट्रिय टीमबाट क्रिकेट खेल्न तयार भएका हुन् ।
पाटन उच्च अदालतको फैसलाले सन्दीप जेलमुक्त भएपछि उनीमाथिको निलम्बन हटाउने विषयमा क्यानले छलफल सुरु गरेको थियो ।
अन्तर्राष्ट्रिय क्रिकेट परिषद् ९आइसीसी० र राष्ट्रिय खेलकुद परिषद् समेतले ग्रीन सिग्नल दिएपछि क्यानलाई निर्णय लिन सजिलो भयो । यद्यपि, निलम्बन फुकुवाका बाबजुद सन्दीपले तत्काल राष्ट्रिय टीमबाट खेल्न पाउने निश्चित भएको छैन ।
यसै महिना हुने त्रिकोणात्मक घरेलु सिरिजका लागि क्यानले २८ खेलाडीलाई बन्द प्रशिक्षणमा राखिसकेको छ । यसमा सन्दीप समेटिएनन् ।
