यो बेग्लै कुरा हो, ब्राजिली टिमले कतिपल्ट विश्वकप जित्नेछ भनी कुनै ज्योतिषले ग्रहफल हेरेका छैनन् । अनि देउवा पनि आफैं भिडेर देखाउने मुडमै छन् । थापाको दाबेदारीबारे उनी सचेत भएको त देखिन्छ, तर हिजो फाइनल गरेको समानुपातिक सूची हेर्दा लाग्छ– देउवाले उम्मेदवार बन्नका लागि आफैंले मतदाता छानेका छन् ।

अनलाइनखबरसँग लामो कुराकानीका क्रममा कांग्रेस महामन्त्री विश्वप्रकाश शर्माले भने : ‘हिजो बालुवाटारमा जे कुरा भयो, त्यो सौहार्द्ध वातावरणमै भएको थियो । तर उहाँ (देउवा) लाई परिस्थिति जसरी बदलिँदै छ, त्यो नबुझाइदिनेहरुको कारण पो कमजोरी भइराखेको छ कि ? पाँच पल्ट र छ पल्टको बीचमा कुनै मेडलको फरक हुँदैन । तर कसैलाई जिम्मेवारी सुम्पिँदै गर्दा धेरै ठूलो फरक हुन्छ ।’

देउवाले मनले खाएको नयाँ पुस्ताको प्रतिनिधिलाई अघि बढाए उनीप्रतिको जनसम्मान अझै दोब्बर भएर जाने बताए ।