चितवन, कार्तिक ४
भरतपुर ६ स्थित गीतानगर ब्वाईजको आयोजनामा १६ औं विविध सांस्कृतिक कार्यक्रम एंव लाईभ कन्सर्ट हुने भएको छ । तिहारको अवसर पारेर बुधबार उक्त कार्यक्रम हुन लागेको हो ।
गीतानगर बजारमा हुने कार्यक्रममा कट्टभ द एस्कर्पमेन्ट ब्याण्डको विशेष प्रस्तुति रहनेछ । यस्तै डिजे सुपरम्यानले दर्शक झुमाउने क्लबका अध्यक्ष श्रवण थापाले जानकारी दिए । यस्तै मौलिक संस्कृति झल्किने थारु, गुरुङ नृत्य, तामाङ सेलो र लोक दोहोरी कार्यक्रम पनि हुनेछ । साथै स्थानीय कलाकारहरुको सास्कृतिक प्रस्तुती रहने थापाले जानकारी दिए ।
बेलुकी ५ बजेबाट सुरु हुने कार्यक्रममा ४ हजार दर्शकले अवलोकन गर्ने आयोजकको अनुमान रहेको छ । कार्यक्रमको सहप्रयोजक चितवन कलेज अफ़ कुकरी प्रायोजकमा द जिएमआई, बार्हसिगें युरो पेन्ट्स र सपोर्टेड बाई मा M3 mobile house, एपोलो फ़ीड्स ,बैदिक आयुर्बेद सेवा प्रा.ली. ओशिनिया एडु एंड भीसा सर्विसेज रहेका छन् ।
लामो समयदेखि क्लबले तिहारको समयमा हरेक वर्ष यसरी नै कार्यक्रम गर्दै आएको छ । २०६६ सालमा क्लबले पहिलो पटक कार्यक्रम आयोजना गरेको थियो । त्यसयता निरन्तर कार्यक्रम हुँदै आएको क्लबका अध्यक्ष थापाले चितवन आजलाइ जानकारी दिए ।
