चितवन, भदौ २० –
स्व. ओम राज मैनालीको स्मृतीमा स्क्राबल क्लब चितवनको आयोजना तथा नारायणी ई पब्लिक स्कुलको सहकार्यमा प्रथम जिल्ला स्तरीय स्क्राबल प्रतियोगिता २०२५ सम्पन्न भएको छ ।
कार्यक्रममा जिल्लाभरका २२ विद्यालयबाट ४४ जना विद्यार्थीहरुको सहभागिता रहेको कार्यक्रममा स्क्राबल क्लब चितवनका संयोजक प्रकाश सिग्देल को अध्यक्षता रहेको कार्यक्रममा भरतपुर माहानगरपालिका मेट्रो प्याबसन अध्यक्ष मिन राज बास्ताकोटी को प्रमुख आतिथ्यता रहेको थियो ।
उक्त कार्यक्रममा स्क्राबल क्लब नेपालका प्राविधिक संयोजक अर्जुन पाण्डे, नारायणी ई. पब्लिक स्कुलका प्राचार्य बेदाराज न्यौपाने लगायतको विशिष्ट आतिथ्यतामा विभिन्न विद्यालयका प्राचार्य एवम् शिक्षक प्रतिनिधीहरुको उपस्थिती रहेको थियो । कार्यक्रममा नारायणी ई. पब्लिक स्कुलका प्राचार्य बेदाराज न्यौपाने, संयोजक जनकराज घिमिरेले कार्यक्रमको शुभकामना मन्तब्य सहित आफ्ना भनाईहरु राख्नु भएको थियो ।
कार्यक्रममा स्क्राबल क्लब नेपालका प्राविधिक संयोजक पाण्डेले कार्यक्रमको बारेमा प्रकाश पार्नुभएको थियो । साथै प्रमुख अतिथी मिन राज बास्ताकोटीले यस्ता कार्यक्रमहरुले विद्यार्थीहरुको बौद्धिक एवम् मानसिक विकासमा टेवा पु¥याउने जानकारी गराउदै प्रत्येक विद्यालयले यस्ता कार्यक्रमहरु नियमित रुपमा गर्नुपर्ने जानकारी दिनुभएको थियो ।
६ चरणहरुमा खेलाईएको खेलमा उत्कृष्ट अंक प्राप्त गर्दै क्रमशः मनशिक्षा मन्दिरका सचिन गुरुङ, लिटल फ्लावर स्कुलका सुयोग अधिकारी, नारायणी ई. पब्लिक स्कुलका मेक्सम अनुपम सिग्देल, लिटल फ्लावर स्कुलका आरोहन पौडेल, पिस जोन ई. स्कुलका आयुस परियार र अर्किट ई. स्कुलका रजत न्यौपाने राष्ट्रिय स्क्राबल प्रतियोगिताका लागी छनोट भएका छन् ।
कार्यक्रममा बोल्दै कार्यक्रमका अध्यक्ष प्रकाश सिग्देलले छनोट भएका सम्पुर्ण विद्यार्थीहरुलाई आउदो राष्ट्रिय स्क्रबल प्रतियोगितामा खेल्न पाउने जानकारी गराउदै पुनः सम्पुर्ण उपस्थित विद्यार्थीहरुलाई धन्यवाद दिदै एवम् छनोट हुन सफल भएका ६ वटौ विद्यार्थीहरुलाई वधाई ज्ञापन गर्दै कार्यक्रम समापन गर्नुभएको थियो ।
