काठमाडौं, माघ १५ –
सांगीतिक रियालिटी शो ‘भ्वाइस किड्स’ सिजन ४ को डिजिटल अडिसन खुला भएको छ ।
‘हिमालय रोडिज सिजन ६’ को फिनाले एपिसोडमार्फत ‘भ्वाइस किड्स’को डिजिटल अडिसनको लागि आवेदन खुला भएको जनाइएको हो ।
६ देखि १४ वर्ष उमेरसमूहका बालबालिकाले आफ्नो गायन प्रतिभा समेटेर डिजिटल अडिसन दिन सक्ने जनाइएको छ । एक महिनासम्म ९८१०१२४११० नम्बर मोबाइलको ह्वाट्सएपमा आवेदन दिन सकिनेछ ।
‘भ्वाइस किड्स’ सिजन ४ को जेठदेखि प्रसारण लक्ष्य रहेको हिमालय टिभीका कार्यकारी निर्देशक श्याम कँडेलले जनाए । यो कार्यक्रम हिमालय टिभीमा प्रसारण हुन्छ ।
