काठमाडौं, पुस ३ –
नेपाल प्रिमियर लीग (एनपीएल)मा सुदूरपश्चिम रोयल्स जनकपुर बोल्टस्समाथि जीत हात पार्दै फाइनलमा प्रवेश गरेको छ ।
कीर्तिपुरमा भएको पहिलो क्वालिफायर म्याचमा जनकपुरलाई ८ विकेटले पराजित गर्दै सुदूरपश्चिम फाइनलमा प्रवेश गरेको हो ।
टिमलाई पहिलो प्रतियोगिताको फाइनलमा पुर्याउने महत्त्वपूर्ण खेलमा ओपनर विनोद भण्डारीले अर्धशतकीय पारी खेले । उनले बलमा रन बनाए ।
सुदूरपश्चिमको लागि साइब जाइबले २१ बलमा ३२, ब्रान्डन म्याकमुलेनले १९ बलमा २५ र दीपेन्द्रसिंह ऐरीले रन बनाए । क्वालिफायर खेलमा जनकपुरका कुनै पनि बलर प्रभावशाली देखिएनन् ।
कसिलो बलिङसामु खुलेर खेल्न नसक्दा जनकपुरले सुदूरपश्चिमकलाई १४० रनको मध्यम लक्ष्य दिएको थियो । जनकपुरलाई मध्यम स्कोरमा रोक्न सुदूरपश्चिमका कप्तान दीपेन्द्रसिंह ऐरीले ३ र सैब जइबले २ विकेट लिए ।
तर यो लक्ष्य सुदूरपश्चिमले बल बाँकी हँदै सहजै पूरा गर्यो ।
पराजित भएको जनकपुरले फाइनल प्रवेशको लागि कर्णाली याकसँग दोस्रो क्वालिफायर खेल्न पाउनेछ ।
दोस्रो क्वालिफायर बिहीबार हुनेछ ।
इलिमिनेटरमा बुधबार कर्णालीले चितवन राइनोमाथि २१ रनको जीत हात पारेको थियो ।
दोस्रो क्वालिफायरमा भिड्ने जनकपुर र कर्णालीबीचको विजेताले एनपीएलको पहिलो उपाधिको लागि सुदूरपश्चिम रोयल्सविरुद्ध फाइनल खेल्नेछ । यो खेल आगामी शनिबार हुनेछ ।
