काठमाडाैं फागुन २३,
कपिलवस्तुबाट काठमाडौं आउँदै गरेको यात्रुबहाक बस त्रिशुली नदीमा खसेको छ । बुधबार बिहान ५ बजेको समयमा लु २ ख २१२१ नम्बरको यात्रुबहाक बस धादिङको गजुरी गाउँपालिका ५ घाटबेशीबाट नदीमा खस्दा चार जनाको मृत्यु भएको छ भने ३३ जनाको जीवित उद्धार गरिएको छ ।
बसकाे गति अनियन्त्रित भएर नदीमा खसेको हुन सक्ने प्रहरीले जनाएको छ । १३ जनालाई सशस्त्र प्रहरी बल नेपाल विपद् व्यवस्थापन सुरक्षा बेश आमदघाटबाट डिएसपीको कमाण्डमा खटिएको टोलिले जीवितै उद्धार गरेको छ । जीवित उद्धार गरिएकामध्ये १८ जनालाई गजुरी अस्पताल पठाएको प्रहरीले जनाएको छ ।
उक्त स्थानमा विपद व्यवस्थापन तालिम शिक्षालय कुरिनटारबाट इन्सपेक्टरको कमाण्डमा ६ जना गोताखोरसहित २० जनाको टोली खटिएकोछ । घटनाबारे थप विवरण आउन बाँकी छ ।
बसमा ४५ जना यात्रु सवार रहेको खुलेको उनले बताए ।
बस आफैं अनियन्त्रित भई त्रिशुलीमा खसेको प्रहरीको प्रारम्भिक अनुमान छ । उनका अनुसार बस सडकबाट सय मिटर तल नदीमा खसेको छ ।
