आज मिति २०७९ साल माघ ११ गते बुधवार,
तदनुसार सन् २०२३ जनवरी २५ तारिख माघ सुक्ल चतुर्थी ।
विभिन्न राशि भएका व्यक्तिहरुको आजको राशिफल यस्तो रहेको छ ।
मेष – चु, चे, चो, ला, लि, लु, ले, लो, अ
मेष राशि हुनेहरुको लागि आजको दिन गोचरले राम्रो साथ दिएको छ । दीगो कार्यको थालनीको विषयमा विचारविमर्श एवं योजना गर्न सकिने छ । आफन्तीहरुको सहयोग मिल्ने हुनाले महत्त्वपूर्ण कार्य सम्पादन गर्नसकिने छ । वरिष्ठवर्गसँग संपर्क स्थापित हुनाले केही महत्त्वाकांक्षी मनोविज्ञान बढ्ने पनि सम्भावना देखिन्छ । व्यवसायले प्रसिद्धि पाउने छ । राजनीति, समाजसेवा तथा नोकरी आदि क्षेत्रमा क्षणिकरुपमा प्रतिष्ठा तथा जिम्मेवारी थपिनसक्ने छ भने उपयुक्त मानसम्मान प्राप्ति हुनेछ । आज यहाँलाई एक अङ्क, रातो तथा हरियो रङ्गको प्रयोग र भगवान गौरीशङ्कर स्तुति भक्ति एवं दर्शन शुभप्रद हुनेछ ।
…
बृष – इ, उ, ए, ओ, बा, बि, बु, बे, बो
वृष राशिका व्यक्तिहरुको लागि आजको दिन भाग्यको बृद्धि हुने ग्रहगोचरले युक्त दिन रहेको छ । मनमा सात्त्विक विचारले प्रसय पाउने र धार्मिक कार्य सम्पादन हुनेछ । धार्मिक एवम् आध्यात्मिक उत्प्रेरणाको बलले दैनिक व्यवहारमा समेत मद्दत पुर्याउने छ । व्यवसायिक कार्यमा सफलता मिल्नाले आँट बढ्नेछ । नोकरी आदिमा आएका अबरोधहरु पनि हट्ने तथा स्वास्थ्यमा सुधार हुनेछ । कार्यक्षेत्र विस्तारित हुने तथाकार्यगत जिम्मेवारी एवम् भूमिका थप हुनसक्ने छ । आज यहाँको लागि नौ अंक, पहेंलो रङ्गको प्रयोग शुभ हुनेछ भने भगवान शिव दर्शन स्मरणले थप पूण्य प्रदान गर्नेछ ।
…
मिथुन – का, कि, कु, घ, ङ, छ, के, को, ह
मिथुन राशिका व्यक्तिहरुको लागि आजको दिन खोजेकै काम प्रतिकूल ग्रहको कारण प्रभावित हुनसक्ने छ । स्वास्थ्यमा पनि प्रतिकूलता आउन सक्नेछ, दीर्घरोगीले स्वास्थ्यको विशेष ध्यान दिन जरुरी हुनेछ । खर्चको भार बढेर जाने तथा बढी मेहनत गर्दा पनि थोरै उपलब्धिले चित्त बुझाउनु पर्ने हुनसक्ने छ । योजनाभन्दा बाहिरको केही काम बन्नगई अपेक्षा नगरिएको आम्दानी बढ्नसक्ने छ । हतार र उन्माद नगरेको भने राम्रो हुनेछ । प्रतिकूल तथा अफ्ठ्यारो परिस्थितिलाई बुझेर सावधानी रहनसके परिश्रम र लगानी खेरा जानबाट बचाउन सकिनेछ । शत्रुप्रभाव आदि पनि देखिएकोले प्रतिरक्षामा बुद्धिमतापूर्वक संयमसँग आत्मबल बढाएर अघिबढ्नु राम्रो हुनेछ । आज यहाँलाई भगवान शिवको सेवा आराधना शुभप्रद हुनेछ ।
…
कर्कट – हि, हु, हे, हो, डा, डि, डु, डे, डो
कर्कट राशिका व्यक्तिहरुको लागि आजको दिन जीवनसाथी तथा प्रेमीको सहयोगी भूमिकामा ह्रास आउनसक्ने छ भने नव दम्पति वा प्रेमीबीच केही असमझदारी उत्पन्न हुनसक्ने पनि सम्भावना छ । यात्रामा हिँडेको यात्री बीचबाटै फर्क पर्नसक्छ, व्यवसायिक लाभ भएपनि बचत हुननपाउने भय देखिएको छ । संयोग–विछोड दुबैको सम्भावनालाई गोचरले लक्षित गरेको छ । सामान्यतया मुख्य ठानिएका काममा उपर्युक्तजन्य प्रतिकूलता व्यहोर्न परेपनि सामान्य दैनिकी कार्यमा भने डराइहाल्न पर्दैन । आ“टसाहस बढ्ने, नहुनुभन्दा कानो मामा जाती भनेजस्तै थोरैले भएपनि चित्त बुझाउन पाइने छ । भैरवदेवको श्रद्धाभक्तिले प्रतिकूलता न्यनिकरण गर्न मद्दत गर्नेछ ।
…
सिंह – मा, मि, मु, मे, मो, टा, टि, टु, टे
सिंह राशि हुनेहरुको लागि आजको दिन अर्थकर रहनेछ । स्वास्थ्यमा आरोग्यता अनुहारमा कान्ति बढ्ने छ । मानसिक हिम्मत र शारीरिक क्षमता बढ्ने तथा कार्यमा रुचिको विकास हुनेछ । व्यवसायिक कार्य, जागिर तथा उद्यमजन्य पेशाको क्षेत्रबाट आर्थि लाभ र उपलब्धिमूलक सफलता प्राप्त गर्नसकिने छ । विशेष स्थान विशेषको यात्रा योजना बन्नसक्ने कुरालाई पनि ग्रहगोचरले लक्षित गरिरहेको छ । रोकिएर रहेका कामहरु बन्ने तथा अघि बढ्नेछन् । अपेक्षित केही इष्टकार्य पूर्ण हुनेछन् । पुरुषार्थ तथा शक्तिसाहस बढाउने गोचरयोग परेको हुनाले खेलाडि तथा अन्य शारीरिक प्रतिस्पर्धीहरुलाई सफलता मिल्ने छ ।
…
कन्या – टो, प, पि, पु, ष, ण, ठ, पे, पो
कन्या राशि हुनेहरुको लागि आजको दिन तपाईँमा रणनीतिक व्यवहारिकताले प्रसय पाउनेछ । केही अहंभावको पनि झलक व्यवहारमा देखिनसक्ने छ । तथापि विद्याविनयता र तर्कबल एवं प्राज्ञिककर्मले उदाहरणीय भूमिका प्राप्त गर्नसक्नेछ । नीतिगत तथा कुट्नैतिक कार्यको प्रस्तुतिमा सफलता र प्रशंसा पनि मिल्ने छ । कलाकौशलता बढ्दो रहनेछ भने दार्शनिक तथा सैद्धान्तिक पक्षमा खरो उत्रन सकिने छ । व्यापार व्यवसायबाट लाभ एवम् सन्तुष्टि मिल्ने छ । सन्तानको क्षेत्रमा देखिएको समस्यामा कमी आउनेछ । विद्यार्थीवर्गले आजको दिनको बढी फाइदा उठाउन सकिनेछ । विद्वतवर्गका व्यक्तिलाई ज्ञानविवेकको प्रशंसा मिल्ने योग छ, भद्रतालाई बढाउनुपर्ला । प्रतिष्ठा र छविको बचस्व स्थापित गर्नसकिने छ ।
…
तुला – र, रि, रु, रे, रो, ता, ति, तु, ते
तुला राशिहुनेहरुको लागि आजको दिन अनुकूल मान्न अल्लि नसकिने खालको दिन छ । तपाईबाट जनव्यवहारमा खेलिएको भूमिका अल्लि नमिल्न तथा तालमेल नखानसक्ने देखिएकोले सावधानी अप्नाउन जरुरी हुनेछ । कार्यक्षेत्रमा पनि संघर्षको अनुभूति हुनसक्ने छ । हतारमा भन्दा धैर्यताको अभ्यासपूर्वक कर्मक्षेत्रमा खट्नु भएमा केही लाभ प्राप्त हुनेछ । सोँचेभन्दा विपरित फल प्राप्त हुनसक्ने भएकोले अत्यावश्यकभन्दा बढी सरोकार नराखेकै उचित हुनेछ । वादविवादको समेत सम्भावना रहेकोले सम्भावित द्वन्दबाट बच्न यत्न गर्नुहोला । आज यहाँको लागि चार अंक, सेतो तथा उज्यालो रङ्ग शुभ रहनेछ भने नगरी नहुने कार्य सम्पादन गर्दा आमाबाट आज्ञा लिएर गर्नु उपयुक्त हुनेछ ।
…
बृश्चिक – तो, ना, नि, नु, ने, नो, या, यि, यु
वृश्चिक राशिहुने व्यक्तिहरुको लागि आजको दिन पराक्रम गर्नसकिने र सुखद एवम् अनुकूल रहनेछ । शारीरिक स्फुर्ति बढ्ने हुनाले पौरख गर्न सकिनेछ । काममा मनग्य रुचि बढेर आउनाले रोकिएर रहेका काम पूरा गर्न सक्नुहुने छ । महत्त्वपूर्ण काममा सहयोग पनि मिल्नसक्ने छ । दाजुभाईबीचको सम्बन्धमा सुधार आउने छ । व्यवसायिक कामबाट आर्थिक लाभ हुनसक्ने लक्षण प्रतित भइरहेको छ । सहयोगी हातहरु पनि जुट्ने छन् भने मान्छेहरुबाट तपाईँको क्रियाशिलताको प्रशंसा पनि मिल्नेछ । आज यहाँको लागि तीन अङ्क र हरियो रङ्गको प्रयोग गर्नु फापसिद्ध हुनेछ भने भगवान गौरीशङ्करको दर्शनभक्तिले थप सफलता प्राप्त गर्न मद्दत हुनेछ ।
…
धनु – ये, यो, भ, भि, भु, ध, फा, ढ, भे
धनु राशि हुनेहरुको लागि आजको दिन आर्थिक तथा धनधातु एवं खजाना सञ्चय हुने ग्रहगोचर छ भने आज यहाँको लागि कुटुम्ब मिलनको सुखक्षण पनि रहनसक्ने छ । यथोचित उपलब्धी हुनाले काममा हर्ष उल्लास एवम् उत्साह बढ्ने छ । वाणीको ओज बढ्ने हुनाले बोलीबचनले मान्छेहरुलाई प्रभाव पार्न पनि सकिने छ । परोपकार एवम् समाज सेवामा पनि सरिक हुने तथा भूमिका निर्वाह गर्ने मौका मिल्नसक्ने छ । आज यहाँको लागि दुई अंक, सेतो रङ्ग उपयोगी हुनेछ भने शिवाराधना पूण्यप्रद हुनेछ ।
…
मकर – भो, ज, जि, खि, खु, खे, खो, गा, गि
मकर राशिहुने व्यक्तिहरुको लागि आजको दिन सकारात्मक एवं उमङ्गिलो तथा राहतपूर्ण दिन रहने छ । नया“ पेशा–व्यवसायको विचार मन्थन हुनसक्ने छ । औपचारिक विचार गोष्ठी–कार्यक्रम आदिमा संलग्न हुनपाइने अवसर मिल्नसक्ने छ । येश–कृति र शान्ति एवं कान्ति बढ्नेछ । अनुहारमा हसिलो पन तथा आकर्षण बढ्नाले मान्छेहरुलाई प्रभाव पार्नसकिने छ । मानसम्मान, पदप्रतिष्ठामा बढोत्तरी हुनेछ । स्वादिष्ट परिकार आदिद्वारा स्वागत सत्कार मिल्नेछ । घरपरिवार तथा कार्यक्षेत्रमा सौहार्दता र प्रसन्नता छाउने छ । मनोकूल वातावरण बन्ने र व्यवसाय एवम् कर्मक्षेत्रबाट लाभ तथा सफलता मिल्नेछ ।
…
कुम्भ – गु, गे, गो, सा, सि, सु, से, सो, द
कुम्भ राशिका व्यक्तिहरुको लागि आजको दिन केही कठिनाइको सामना गर्नपर्ने खालको रहेको छ । कामकार्यमा आज तुलनात्मक रुपमा बढीनै कोसिस गर्नुपर्ने छ । सोँचविचार विना बहकावमा आएर कुनै कार्य नगरेकै राम्रो हुनेछ । अन्यथा परिणाम विपरित पनि आउनसक्ने सम्भावना छ, ख्याल पुर्याउनु होला । फजुल यात्राको पनि योग देखिएको छ । यो राशि हुने कसैकसैलाई अनपेक्षित खर्च बढ्नसक्ने भएकोले जुहो गरेको व्यवस्था अपुग पनि हुनसक्ने छ । तथापि आज केही संघर्षको सामना पछि गर्जो टर्दै जानेछ धैर्य गर्नुहोला । आज यहाँको लागि तीन अंक, हरियो रङ्गको प्रयोग र पितृको नाममा दान वा कुनै धार्मिक कृत्य गर्नु शुभकर हुनेछ ।
…
मीन – दि, दु, थ, झ, ञ, दे, दो, च, चि
मीन राशिका व्यक्तिहरुको लागि आजको दिन यद्यपि आम्दानीकर ग्रहयोग परेको छ तरपनि विशेष अपेक्षा गरिएको महत्त्वपूर्ण कार्यमा ग्रहको अबरोध स्थिति देखिएको हुनाले आशा गरिएको आर्थिक लाभ हुनलाई अल्लि कठिनाई पर्नसक्ने छ । सामान्य कामकार्यमा ग्रहस्थिति स्वभाविकै रहने देखिन्छ । पेशा एवम् व्यवसायमा ठिकै सफलता मिल्नेछ । स्वजनहरुसँग भेट्घाट हुनपाइने तथा शुभसन्देश प्राप्त हुने दिन रहेको छ । आज यहाँको लागि २ अंक, सेतो रङ्ग अनुकूल रहनेछ । मुख्य कार्यमा आउने बाधाब्याबधानको निवारणको लागि भगवान सूर्यनारायणको भक्तिभाव गर्नु उपयुक्त हुनेछ । भने मान्यजनको आर्शिवाद पनि शुभकर हुनेछ ।