चितवन, ९ फागुन
नवलपुरमा पैदलयात्रीलाई बसले ठक्कर दिँदा एकजनाको मृत्यु भएको छ । मृत्यु हुनेमा विनयी त्रिवेणी ५ देउराली बस्ने ६८ वर्षीय दिलबहादुर रखाल रहेका छन् । उनको घटनास्थलमै मृत्यु भएको हो ।
शुक्रबार राति ८ः०० बजेको समयमा दुम्किबासबाट देउरालीतर्फ जाँदै गरेको लु १ ख ६३९० नम्बरको बसले ठक्कर दिएको हो ।
बसको ठक्करबाट पैदलयात्री स्थानीय ७६ वर्षीय सोमबहाादुर लम्का मगर गम्भीर घाइते भएका छन् । उनको शरीरका विभिन्न भागमा चोट लागेको र अवस्था गम्भीर रहेको प्रहरीले जनाएको छ ।मगरको हालसम स्थानीय मेडिकलमा उपचार भइरहेको छ ।
ठक्कर दिने बसलाई प्रहरीले नियन्त्रणमा लिएको छ भने उक्त बसको चालक फरार रहेका छन्। प्रहरीका अनुसार बस चालकको खोजि भइरहेको छ ।
