कालीकोट, २४ माघ
दैलेखमा करेन्ट लागेर २९ वर्षीय युवकको मृत्यु भएको छ। मृत्यु हुनेमा अछामको पञ्चदेवल विनायक नगरपालिका-४, लयाँटीका प्रकाश बुढा रहेका छन् ।
दैलेख र कालीकोटको सिमाना दहीखोला नजिकै एभरेस्ट नेटवर्क प्रालिको फाइवर विस्तार गर्ने क्रममा घाइते भएका बुढाको उपचारका क्रममा प्रदेश अस्पताल सुर्खेतमा मृत्यु भएको प्रहरीले जनाएको छ। उनि एभरेस्ट नेटवर्क प्रालिको कर्मचारीसमेत हुन् ।
घटनाबारे थप अनुसन्धान भईरहेको जिल्ला प्रहरी कार्यालय कालीकोटका प्रमुख डीएसपी अजुर्न केसीले जानकारी दिए ।
