काठमाडाैं, साउन १६
गायिका समीक्षा अधिकारीले यूएईको दुबई पुगेर साङ्गीतिक प्रस्तुति दिएकी छन् ।
तामाङ समाज यूएईले वर दुबईमा आयोजना गरेको वृहत् साङ्गीतिक कार्यक्रममा समीक्षाले आफ्ना चर्चित गीतहरू प्रस्तुत गरिन् । उनको प्रस्तुतिमा त्यहाँ रहेका नेपाली समुदायका दर्शकहरू भरपूर रमाएका थिए ।
विदेशी भूमिमा पुगेर नेपाली समुदायमाझ प्रस्तुति दिँदा समीक्षा उत्साहित देखिएकी छन् ।
‘एसएमएस धमाका २०२३’ नाम दिएर गरिएको कार्यक्रम सामाजिक कार्यका लागि गरिएको उनले सामाजिक सञ्जाल फेसबुकमा उल्लेख गरेकी छन् ।
उनले कार्यक्रममा उपस्थित दर्शकलाई धन्यवाद पनि दिएकी छन् । समीक्षा पछिल्लो समयकी चर्चित गायिका हुन् । यसपटकको तीजमा पनि उनी विदेशको कार्यक्रममा व्यस्त हुँदैछिन् ।
तपाईको प्रतिक्रिया
सम्बन्धित समाचार
