काठमाडौँ, २८ असार
संघीय संसद् अन्तर्गतको प्रतिनिधिसभाका उपसभामुख इन्दिरा रानाले चलचित्र ‘बगान’ले समाज परिवर्तनका लागि भूमिका खेल्ने बताएकी छन् ।
बुधबार साँझ आयोजित चलचित्र ‘बगान’ को प्रिमियर शो पछि उनले ‘बगानले एकल आमाले गर्नु पर्ने संघर्ष, दायित्वसँगै परिवार र समाजबाट राख्ने अपेक्षा देखाएको बताइन् ।
“एकल आमाको भावनालाई चलचित्रमार्फत समाजसम्म पुर्याउने प्रयास गरिएको छ । समाजसँगै आफ्नै परिवारबाट समेत सहयोग नपाउँदा जीवनको यात्रामा भोग्नु पर्ने समस्या चलचित्रमार्फत देखाइएको छ”, उपसभामुख रानाले भनिन् ।
समाज रूपान्तरणमा पुरुषको महत्वपूर्ण भूमिका हुने उनको धारणा छ ।
“एकल आमाले नयाँ जीवन बाँच्न पाउनुपर्छ भन्ने तथ्यलाई प्रस्ट्याएको यो चलचित्रले समाज परिवर्तन गर्न भूमिका खेल्छ”, उनले भनिन् ।
तपाईको प्रतिक्रिया
सम्बन्धित समाचार
