काठमाडाैं, असार १९
राष्ट्रिय स्वतन्त्र पार्टी (रास्वपा) महामन्त्री डा. मुकुल ढकाल मुखमा कालो पट्टी टाँसेर केन्द्रीय समिति बैठकमा सहभागी भएका छन् । केन्द्रीय समिति बैठक प्रत्यक्ष प्रसारण नगरिएको भन्दै विरोधस्वरूप उनी मुखमा कालो टेप टाँसेर बैठकमा बसेका हुन् ।
उनले मुखमा मास्कसहित बाहिरबाट टेप लगाएका छन् । केन्द्रीय समिति बैठक लाइभ गर्नुपर्ने उनको माग थियो । बैठक लाइभ गर्न नमानेपछि उनले विरोध जनाएका हुन् ।
पार्टी केन्द्रीय कार्यालय बालाजुमा केन्द्रीय समिति बैठक बसिरहेको छ । बैठकमा पछिल्ला राजनीतिक घटनाक्रमबारे छलफल हुनेछ ।
नयाँ सत्ता समीकरण, महामन्त्री ढकालले बुझाएको प्रतिवेदनमाथि पनि बैठकमा छलफल हुने रास्वपाले जनाएको छ ।
