भरतपुर,जेठ १७-
राष्ट्रिय स्वतन्त्र पार्टी (रास्वपा) भरतपुर महानगर समितिको सभापतिमा सिता ज्ञवाली निर्वाचित हुनुभएको छ । शनिवार सम्पन्न प्रथम महानगर अधिवेशनमा भएको निर्वाचनमा ३३५ मत ल्याएर ज्ञवाली निर्वाचित हुनुभएको हो । उहाँका प्रतिस्पर्धी सुबास गैरैले २५६ मत प्राप्त गर्नुभयो ।
यस्तै उपसभापतिमा ३६६ मतका साथ दिवाकरराज श्रेष्ठ निर्वाचित हुनुभयो । उहाँका निकटम प्रतिस्पर्धी इन्दिरा बरालले २०९ मत प्राप्त गर्नुभयो । सचिव पदमा सुर्यराज अधिकारीको मात्रै उम्मेदवारी परेपछि निर्विरोध निर्वाचित हुनुभयो । सहसचिवमा ४२६ मतका साथ शिवराज सुवेदी निर्वाचित हुनुभयो । उहाँका प्रतिस्पर्धी बोधनाथ सुवेदीले १३० मत प्राप्त गर्नुभयो । कोषाध्यक्ष पछि मनोनित हुने व्यवस्था छ ।
अधिवेशनबाट पुरुष १० जना, दलित १ जना, महिला ८ जना गरी २३ सदस्सीय नयाँ कार्यसमिति चयन भएको हो । दुई सदस्य पछि मनोनित हुने व्यवस्था छ । अधिवेशनको शनिवार पार्टीका महामन्त्री भुपदेव शाहले उद्घाटन गर्नुभएको थियो ।
