– हिरालाल आचार्य ‘डायमण्ड’
चितवन, जेठ १५ –
आईएसएचएम (ISHM) चितवनमा होटल व्यवस्थापन (होटल म्यानेजमेन्ट/डिएचएम) तथा पाककला (कुलिनरी आर्टस्/डिसिए) सम्बन्धी विभिन्न तालिमका लागि भर्ना खुलेको छ ।
सिटिइभिटी तथा इटिभिएबाट मान्यता प्राप्त आइएसएचएमले प्रोफेसनल डिप्लोमा इन होटल म्यानेजमेन्ट र प्रोफेसनल डिप्लोमा इन कुलिनरी आट्र्ससहित विभिन्न तालिममा विद्यार्थी भर्ना लिन थालेको हो । समयमै भर्ना भई आफ्नो सिट सुरक्षित गर्न आइएसएचएमले आग्रह गरेको छ ।
‘सिप सिकौं, दक्ष बनौं, जागिर तथा व्यवसाय गरी आत्मनिर्भर बनौं’ भन्ने नारासहित संस्थाले आवेदन खुला गरेको जनाएको छ ।
संस्थाले डिसिए, डिएचएम, कुक, सुशी, बेकरी, वेटर, हाउस किपिङ लगायतका आधारभूत तथा एडभान्स तालिम समेत दिने गरेको छ । साथै चाइनिज, कन्टिनेन्टल, थाइ, फास्टफुड, पिज्जा, बर्गर, स्यान्डविच र केकसम्बन्धी विशेष तालिमसमेत उपलब्ध रहेको आइएसएचएमले जनाएको छ ।
तालिमपछि स्वदेश तथा विदेशमा रोजगारीको व्यवस्था मिलाइने संस्थाले जनाएको छ । विदेश जान चाहनेका लागि भिडियो बनाउने सुविधा समेत उपलब्ध रहेको उल्लेख गरिएको छ ।
आइएसएचएमका प्रधानाध्यापक दिपक अधिकारीका अनुसार आइएसएचएमबाट उत्पादित जनशक्ति चितवनका ठूलठूला होटलदेखि विदेशका होटलहरुसम्म पुगेका छन् ।
आइएसएचएममा अहिले भर्ना अवधि चलिरहेको छ । एसईई र प्लस टु पास भएकाहरुले डिसिए र डिएचएममा पढ्न पाउँछन् । मलेसियाको इटीभीए (युरोपियन टेक्निकल एण्ड भोकेशनल एकेडमी) र नेपालको सिटीईभिटी (काउन्शिल फर टेक्निकल एजुकेशन एण्ड भोकेशनल ट्रेनिङ्) बाट मान्यता प्राप्त आइएसएचएमले यी दुबै कोर्षमा ६ महिना पढाई र ६ महिना प्राक्टिकल गराउने गर्दछ । प्राक्टिकल भनेको विभिन्न होटलहरुमा तालिमका लागि पठाउने गरिन्छ । आइएसएचएममा अन्तर्राष्ट्रिय स्तरका कक्षाहरु, अन्तर्राष्ट्रिय स्तरको किचन ल्याब रहेको छ । यसका साथै छोटो अवधिका तालिमहरु पनि सञ्चालन हुँदै आएका छन् ।
होटल व्यवस्थापनमा डिप्लोमा गरेकाहरुले होटल र पर्यटन क्षेत्र, लज र गेस्टहाउसहरुमा पनि राम्रो क्यारियर बनाउन सक्ने प्रिन्सिपल अधिकारी बताउँछन् । विद्यालय, कारखाना, कम्पनी गेस्ट हाउस आदिमा क्यान्टिनको सुपरीवेक्षण गर्ने जस्ता संस्थागत व्यवस्थापन पनि जागिरको अवसर पाइने अधिकारीको भनाइ छ ।
यस्तै आइएसएचममा पढ्नेहरुले होटल र रेस्टुरेन्ट व्यवस्थापन, एयरलाइन खानपान र केबिन सेवाहरुमा, क्लब व्यवस्थापन, क्रूज जहाज होटल व्यवस्थापन, अस्पताल खानपान लगायतका क्षेत्रमा समेत काम गर्ने दक्षता हाँसिल गर्ने अधिकारीले बताए ।
आइएसएचएमको किचनमा विश्वभर पाइने विभिन्न परिकारका खानाका परिकार जस्तै चाइनिज, इण्डियन, कन्टिनेन्टल खानाका परिकार बनाउन सिकाइन्छ ।
पाक कला कोर्ष (विधा) मा किचन (भान्छा), फुड एण्ड वेभरेज सर्भिस (वेटररवेटरेस) का कुराहरु सिकाइन्छ भने होटल व्यवस्थापन कोर्ष (विधा) मा फ्रन्ट अफिस, हाउस किपिङ्ग, किचन, सर्भिसका कामहरु सिकाइने प्रधानाध्यापक अधिकारी बताउँछन् ।
यो क्षेत्र भनेको स्किल बेस (सीपमा आधारित) क्षेत्र भएकाले आफूहरुले प्राक्टिकल (प्रयोगात्मक) मा बढी जोड दिने गरेको उनको भनाइ छ । होटल तथा हस्पिटालिटी क्षेत्रमा भविष्य खोजिरहेका विद्यार्थीहरुलाई भरतपुरको लायन्सचोकमा रहेको आइएसएचममा आएर एकपटक परामर्श लिन अधिकारीले आग्रह गरेका छन् । भरतपुर ओरालोबाट देबे्रतर्फ आइएसएचम रहेको छ ।
