३ जेठ,काठमाडौं।
नेपाली बजारमा साताको पहिलो कारोबार दिन आइतबार सुन र चाँदी दुवैको मूल्यमा ठूलो गिरावट आएको छ।
नेपाल सुनचाँदी व्यवसायी महासंघका अनुसार आज छापावाला सुनको मूल्य प्रतितोला ४ हजार ५०० रुपैयाँले घटेर २ लाख ९४ हजार रुपैयाँ कायम भएको छ। यसअघि गत शुक्रबार सुन बजारमा प्रतितोला २ लाख ९८ हजार ५०० रुपैयाँमा कारोबार भएको थियो।
सुनसँगै बहुमूल्य धातु चाँदीको मूल्य पनि आज उल्लेख्य रूपमा ओरालो लागेको छ। चाँदीको मूल्य तोलामा ३३० रुपैयाँले घटेर ५ हजार ६० रुपैयाँमा झरेको छ।
गत शुक्रबार चाँदी प्रतितोला ५ हजार ३९० रुपैयाँमा खरिदबिक्री भएको महासंघले जनाएको छ। अन्तर्राष्ट्रिय बजारमा आएको उतारचढावकै कारण स्थानीय बजारमा पनि मूल्य समायोजन भई भारी गिरावट आएको व्यवसायीहरूको भनाइ छ।
