चितवन, जेठ ११
समृद्धि फाइनान्स कम्पनी लिमिटेडले जेष्ठ १० गते पुष्पाञ्जली हस्पिटल प्रा.लि. भरतपुर, चितवन सँग समझदारी गरेको छ ।
उक्त समझदारी अन्तर्गत समृद्धि फाइनान्सका सम्पुर्ण शेयरसदस्यहरु, कर्मचारीहरु तथा खातावालाहरुले मिति २०८१/०२/११ देखि २०८४/०२/१० गते समृद्धि मोबाइल बैकिङ्ग, डेविड कार्ड तथा क्यू. आर प्रयोग गरि पुष्पाञ्जली हस्पिटल प्रा.लि. भरतपुर, चितवनमा स्वस्थ्य उपचार सेवाको उपभोग गरि भुक्तानी गर्दा भारी छुट पाउने छन् । यो सुविधाबाट फाइनान्सका सम्पुर्ण शेयरसदस्यहरु, कर्मचारीहरु तथा खातावालाहरु लाभान्वित हुने विश्वास फाइनान्सले लिएको छ । सो समद्मदारी पत्रमा फाइनान्स कम्पनीका तर्फबाट संस्थाका नायव प्रमुख कार्यकारी अधिकृत श्री गोर्कण प्रसाद दुवाडी र पुष्पाञ्जली हस्पिटल प्रा.लि.का तर्फबाट प्रबन्ध निर्देशक श्री सुजन राज अधिकारीले हस्ताक्षर गरेको फाइनान्सले जनाएको छ ।
फाइनान्सका सम्पुर्ण शेयरसदस्यहरु, कर्मचारीहरु तथा खातावालाहरुले पुष्पाञ्जली हस्पिटल प्रा.लि. भरतपुर, चितवनबाट नियमित ओ.पि.डि. सेवामा २०%, हस्पिटलको आन्तरिक सेवाहरुमा २०% (जस्तैः Bed Charge General, ICU Charge, Video X-ray/X-ray, Eco, Lab, CT-Scan, MRI etc.), औषधिमा ३% देखि ५% र साना तथा ठुला सल्याक्रिया चार्जमा २०% छुट प्राप्त गर्ने छन् ।
नेपाल राष्ट्र बैंकबाट “ग” वर्गको इजाजतपत्र प्राप्त राष्ट्रिय स्तरको समृद्धि फाइनान्स कम्पनी लिमिटेडले हाल १३ वटा शाखाहरु मार्फत कारोबार गर्दै आएको छ भने आर.टि.जि.एस, आइपीएस, कनेक्ट आइपीएस, रेमिटान्स, क्लियरिङ्ग लगायतका बैंकिङ्ग र मोवाइल बैंकिङ्ग, डेबीट कार्ड, क्यू.आर कोड जस्ता डिजिटल सुविधाहरु प्रदान गरिरहेको छ ।
