काठमाडाैं बैशाख ३०
वैवाहिक बलात्कारसम्बन्धी मुद्दा गायक रवि वड चार दिनदेखि कञ्चनपुर प्रहरीको हिरासतमा छन् । उनले बिहीबार प्रहरीसमक्ष आत्मसमर्पण गरेकामा प्रहरीले अदालतबाट ५ दिनको म्याद लिएर आवश्यक अनुसन्धान गरिरहेको छ ।
जिल्ला प्रहरी कार्यालय कञ्चनपुरका डीएसपी उमेश जोशीले वडले इलाका प्रहरी कार्यालय झलारीमा आत्मसमर्पण गरेको जानकारी दिए ।
नेपाल आइडल सिजन २ का विजेता वडविरुद्ध वैवाहिक बलात्कार र अप्राकृतिक मैथुनको आरोप लगाउँदै उनकी श्रीमतीले गत २० चैतमा उजुरी दिएकी थिइन् । उनीविरुद्ध यसअघि नै पक्राउ पुर्जी जारी भइसकेको थियो ।
