चितवन जेठ १७
इडन गार्डन इङ्लिस सेकेन्डरी स्कुलले भव्य कार्यक्रमका साथ नवआगन्तुक विद्यार्थीहरूको स्वागत तथा मायाको चिनो प्रदान, प्रजातान्त्रिक अभ्यासबाट निर्वाचित विद्यार्थी नेतृत्वहरू को पदस्थापन, विभिन्न सदनहरूमा निर्वाचित विद्यार्थीहरूलाई ब्याज वितरण साथसाथै साप्ताहिक शुक्रबारीय विभिन्न कार्यक्रमका विजेता विद्यार्थीहरूलाई पुरस्कार वितरण कार्यक्रम विविध सांस्कृतिक झलकहरूको गुञ्जायमान समेतको प्रदर्शन गरी सम्पन्न गर्यो।
इडन गार्डेन इङ्लिस सेकेन्डरी स्कुल एवं मिलेनियम मोडल कलेजका प्राचार्य श्री ईश्वरराज पण्डित ज्यूको अध्यक्षतामा सम्पन्न उक्त कार्यक्रममा निबर्तमान प्राचार्य एवं बि।ब्य।समितिका सन्चालक सदस्य प्रेमहरि सुवेदी ज्यू, विद्यालयका सहायक प्राचार्य मुक्तिनाथ अधिकारी ज्यू, विद्यालयका शिक्षक अभिभावक सङ्घका पदाधिकारी ज्यूहरू , नव आगन्तुक विद्यार्थीका अभिभावक ज्यूहरु को समूपस्थिति रहेको उक्त कार्यक्रममा इडन गार्डेन इङ्लिस सेकेन्डरी स्कुल तथा मिलेनियम मोडल कलेजका शैक्षिक संयोजक श्री प्रकाश सुवेदी ज्यू ले स्वागत मन्तव्य राख्नुभएको थियो।
शैक्षिक संयोजक सुवेदी ज्यूले विद्यालयमा भएका विभिन्न शैक्षिक गतिविधिहरूका बारेमा अवगत गराउँदै नवआगन्तुक विद्यार्थीहरूले आफ्नो शैक्षिक यात्राको लागि सही विद्यालय चयन गरेको र अभिभावक ज्यूहरूले आशा गरे अनुसारको शिक्षा प्रदान गरी उनीहरूलाई कुशल नागरिक बनाएर निकाल्ने जिम्मेवारी हाम्रो काँधमा दिएको मा धन्यवाद व्यक्त गर्नुभयो र यसलाई पूर्ण गर्ने प्रतिबद्धता समेत व्यक्त गर्नुभयो।
विविध सांस्कृतिक कार्यक्रमसहित विद्यार्थीहरूले आफ्ना कलाहरू नृत्य, गायन एवं नवनिर्वाचित विद्यार्थी नेतृत्वहरूले आफ्ना मन्तव्य र प्रतिबद्धता व्यक्त गर्नु भएको थियो। यसै बीच विद्यालयको स्काउट ट्रुपले स्वागत मार्च पास एवं राष्ट्रभक्ति गीतमा जोडदार नृत्य प्रस्तुत गर्दै सम्पूर्ण उपस्थितजनहरूमा राष्ट्रभक्तिको भावनालाई अझै उजागर गर्नुभएको थियो।
कार्यक्रमको औपचारिक समापन गर्दै विद्यालय एवं कलेजका प्राचार्य ईश्वरराज पण्डित ज्यूले यस्ता कार्यक्रमहरूले विद्यार्थीको कला एवं नेतृत्व विकास हुने कुरामा जोड दिनुभयो। विद्यार्थी एवं अभिभावक समक्ष यस्तै कार्यक्रम सहित जोडिने र सल्लाह सुझाव लिई त्यही अनुसार हामीहरू अगाडि बढ्ने भन्ने प्रतिबद्धता प्रकट गर्नुभयो। कार्यक्रमलाई भव्य र सभ्य बनाउनको लागि प्रत्यक्ष अप्रत्यक्ष सहयोगी एवं उपस्थित सम्पूर्णलाई धन्यवाद ज्ञापन गर्नुभयो।
कार्यक्रमको संयोजन अतिरिक्त क्रियाकलाप प्रमुख श्री सन्दिप पाण्डे ज्यूले गर्नुभएको थियो भने कार्यक्रम सञ्चालन विद्यार्थीहरू श्री सृष्टि थापा,श्री सारिका लामा र श्री प्रिया पटेल ज्यूले गर्नुभएको थियो।
