बुटवल, पुस ३०-
पश्चिम नवलपरासीको एउटा कुखुरा फर्ममा अवैध रूपमा भण्डारण गरिएको झन्डै साढे आठ सय क्विन्टल चिनी बरामद गरिएको छ।
नवलपरासीको रामग्राम नगरपालिका वडा नं. ८ लोसहडास्थित पाल्ही एग्रो फर्मबाट आठ सय ४१ क्विन्टल चिनी बरामद भएको जिल्ला प्रहरी कार्यालय पश्चिम नवलपरासीले जनाएको छ।
जिल्ला प्रहरी कार्यालय पश्चिम नवलपरासीका प्रहरी नायब उपरीक्षक भोजराज पाण्डेयका अनुसार कुखुरा फर्मबाट ५० किलोग्राम तोलका १ हजार ६८३ बोरा चिनी बरामद गरिएको हो। उक्त चिनीको तौल ८४१ क्विण्टल रहेको चिनीको मूल्य करिब ६३ लाख ११ हजार रहेको प्रहरी नायब उपरीक्षक पाण्डेले बताए।
