चितवन, ५ चैत
इच्छाकामना गाउँपालिका ५ मुग्लिन बजारमा ट्रक र मोटरसाइकल एकआपसमा ठोक्किदा एक जनाको मृत्यु भएको छ । मृत्यु हुनेमा ईच्छाकामना गाउँपालिका ५ मुग्लिङ बजार स्थित पन्ना ग्यारेजमा काम गर्ने १८ वर्षीय आकास कुसहवा रहेका छन् ।
नारायणगढतर्फबाट कुरिनटारतर्फ जाँदै गरेको ग १३ प ४१६३ नम्बरको मोटरसाइकल जेएच ०५ डिके २८२९ नम्बरको भारतीय नम्वर प्लेटको ट्रकमा ठोक्किएको हो ।
दुर्घटनाबाट गम्भीर घाइते भएका कुसहवाको उपचारको क्रममा भरतपुर अस्पतालमा मृत्यु भएको हो ।
मोटरसाइकल, ट्रक र ट्रक चालकलाई इलाका प्रहरी कार्यालय मुग्लिनले नियन्त्रणमा लिएको छ ।
