चितवन, भदौ २९-
प्रथम कालिका कप खुल्ला नकआउट फुटबल प्रतियोगिता स्थगित गरिएको छ ।
खेल संचालनका लागि आवश्यक खेल मैदान पूर्ण रुपले तयार भइनसकेको जनाउँदै अयोजक आयाम युवा समाजले प्रतियोगिता हालका लागि स्थगित भएको जनाएको हो ।
असोज २ गतेबाट सुरु गर्ने भनिएको खेल अब असोज २३ गतेबाट संचालन गर्ने समाजले प्रेस विज्ञप्ती मार्फत जानकारी दिएको छ । साथै प्रतियोगिताको लागि टिम दर्ताको समय असोज १५ गते साँझ ५ बजेसम्म थप गरिएको समाजका अध्यक्ष शेषकान्त रिजालले जानकारी दिए ।
प्रतियोगितामा प्रथम हुनले २ लाख १० हजार, दोस्रोले १ लाख ५ हजार साथै उत्कृष्ट खेलाडी, गोलरक्षक र सर्बाधिक गोलकर्तालाई नगद, सिल्ड, मेडल तथा प्रमाणपत्र प्राप्त गर्नेछन् ।
कार्यक्रमको मुख्य उद्देश्य बिपन्न परिवारहरुलाई खाद्यान्न बितरण गर्नु रहेको आयोजकको भनाइ छ । कार्यक्रम चितवनको कालिका नगरपालिका ३ पदमपुरको बनकट्टा खेल मैदानमा हुदैछ ।
