चितवन, माघ १४-
चितवनको माडी नगरपालिका वडा नम्वर ९ स्थित गणेश आधारभूत विद्यालयका गरिव तथा विपन्न विद्यार्थीहरूलाई रोटर्याक्ट क्लब अफ नारायणी मिड टाउन र रोटरी क्लब अफ नारायणी मिड टाउनको संयुक्त आयोजनमा झोला तथा स्टेशनरी समाग्री वितरण गरिएको छ ।
वितरण कार्यक्रम महालक्ष्मी ट्रायल सेन्टरसँगको सहकार्यमा विद्यालयमा भएका विद्यार्थीहरूलाई झोला तथा स्टेशनरी समाग्रीहरू प्रदान गरिएको हो ।
सोही अवसरमा त्यहाँ रहेका विद्यार्थी छात्रहरूलाई निःशुल्क कपाल काट्ने समेत कार्यक्रम भएको थियो। कपाल काट्ने कार्यक्रमको सहजीकरण भरतपुर स्थित कोसिस सलुन एण्ड एकेडमीले गरेको थियो।
कार्यक्रम विद्यालय व्यवस्थापन समितिका अध्यक्ष गोकुल लम्सलको अध्यक्षतामा भएको थियो भने अतिथिहरु रोटरी क्लबका पूर्व रो.अध्यक्ष अनिल थपलिया, रो. रामचन्द्र लम्साल, रो.प्रकाश पौडेल रोटर्याक्ट क्लब अफ नारायणी टाउनका अध्यक्ष राजीव घिमिरे, रोटर्याक्ट क्लब अफ नारायणी टाउनका संस्थापक अध्यक्ष रोट। अपिल श्रेष्ठसँगै कोसिस सलुन एण्ड एकेडेमीका प्रमुख लगायतको उपस्थिति रहेको थियो।
झोला तथा स्टेशनरी समाग्री वितरण कार्यक्रममा स्कुलको १०० जना विद्यार्थीलाई स्कुल झोला, कापी, कलम लगायतका सामाग्रीहरु प्रधान गरिए सँगै ५० जना विद्यार्थीको निःशुल्क कपाल काटेको रोटर्याक्ट क्लब अफ नारायणी मिड टाउनको रोटा वर्ष २०२४/२५ का अध्यक्ष रोट. राजीव घिमिरेले जानकारी दिए ।
यस रोटर्याट क्लब अफ नारायणी मिड टाउनले चितवन जिल्लाको विभिन्न क्षेत्रमा विभिन्न समयमा सेवामूलक कार्यहरू गर्दै आएको छ सँगै महालक्ष्मी ट्रायल सेन्टरले विभिन्न विपन्न विद्यार्थीहरुको लागि आवश्यक कार्यक्रमहरु गर्दै आइरहेको छ।
