चितवन, असोज १८ –
भरतपुरमा रहेको डाक्टर डायोगोनिस्टिक प्याथ ल्याबले आफ्नो सेवा विस्तार गर्दै नयाँ भवनमा सरेको छ । ल्याब भरतपुर अस्पताल रोडको सिटी टावरको पहिलो तलामा सरेको छ । नयाँ सेवा विस्तारसहित सञ्चालित ल्याबको बिहीबार उद्घाटन गरिएको हो ।
ल्याबका प्रबन्ध निर्देश डा उमेश बर्ताैलाले डाक्टर डायोगोनिस्टिक प्याथ ल्याब प्रयोगशाला परीक्षणको सम्पूर्ण सेवा उपलब्ध भएको चितवन जिल्लाकै एकमात्र सुविधा सम्पन्न प्रयोगशाला भएको बताए ।
ल्याबमा ल्याबसम्बन्धी सामान्य जाँचदेखि क्यान्सरसम्मको जाँच गरिने उनले जानकारी दिए । उनले थप गरिएको सेवाहरुमा माइक्रोबायोलोजी जाँच, मोलिकुलर प्याथोलोजी जाँच, चितवनका सबै पालिका र नवलपुरको गैंडाकोटमा बिरामी रहेकै घरमा गएर रगत संकलन गर्ने, रिर्पाेटबारे विशेषज्ञद्वारा निशुल्क परामर्श दिने रहेको बताए । त्यसैगरी उनले भारत र अमेरिकाको क्याप एक्रेडेट ल्याब्रोटोरीसँग प्राविधिक साँझेदारी पनि गरिएको बताए । उनका अनुसार यो प्राविधिक साँझेदारिले भारत र अमेरिकाको ल्याबको टेक्निकल सहयोगमा अब डाक्टर डायोगोनिस्टिक प्याथ ल्याबमै विभिन्न परीक्षण हुने छ । पहिला भारत र अमेरिका पाठउनुपर्ने जाँचहरु मध्ये केही जाँच अहिले यहीँबाट गर्न थालिएको हो ।
विगत ८ वर्षदेखि क्यान्सर निदानमा अनवरत समर्पित प्रयोगशाला भएको बताउँदै उनले विशेषज्ञ टिमद्वारा ल्याब सञ्चालनमा रहेको बताए । बिहान ७ बजेदेखि बेलुकी ७ बजेसम्म ३६५ दिननै ल्याब सञ्चालनमा आउने डा बर्ताैलाले बताए । त्यसैगरी सेवा विस्तारको अवसरमा विभिन्न परीक्षणमा संघसंस्थाहरुमा विशेष छुट दिनुका साथै निजी बिमाको क्यासेस सेवा समेत उपलब्ध गराइने उनले बताए ।
सेवा विस्तार गरिएको ल्याबको उद्घाटन कार्यक्रममा भरतपुर १० का वडा अध्यक्ष परमेश्वर खनालले गरे । कार्यक्रममा उद्योग वाणिज्य संघका अध्यक्ष चिरन्जीवी सुवेदी, नेपाल युवा उद्यमी मंच चितवनका अध्यक्ष उमेश श्रेष्ठ, वरिष्ठ प्याथोलोजिस्ट डा संकर बस्ताकोटी लगायत विभिन्न अस्पतालका डाक्टरहरुको उपस्थिति रहेको थियो ।
ल्याबमा Biospy, FNAC, Routine Blood Test, Special Blood Test, Histopathology, Cytopathology, Hemotology, Microbiology, Immunology, Biochemistry, Molecular Lab, Papsmear, Peripheral Blood Smear लगायतका सेवाहरु उपलब्ध छन् ।
