रुपन्देही, साउन २८-
बोलबम हिडेका बुटवल १३ बेलबासका २३ वर्षीय अंकृत पाठकको दुर्घटनामा मृत्यु भएको छ । अंकृतले चलाएको स्कुटरलाई मोटरसाइकलले ठक्कर दिँदा गम्भीर घाइते भएका उनकोको उपचारको क्रममा लुम्बिनी प्रादेशिक अस्पताल बुटवलमा मृत्यु भएको हो ।
स्कुटरसहित उनकी आमा पनि सवार थिइन् । आज साउनको अन्तिम सोमबार भएकाले अंकृत आमालाई बोलबम मन्दिर लगेर गएका थिए ।
तर, बिहान लु १९ प ८८७५ नम्बरको मोटरसाइकल र विपरीत दिशाबाट आइरहेको लु ८५ प ३१३३ नम्बरको स्कुटर बेलबास चोकमा आपसमा ठोक्किएका दिदाँ अंकृतको ४३ वर्षीया आमा गौमुखी पाठकपनि गम्भीर घाइते भएकी छिन् । आमाको अहिले आइसियुमा उपचार भइरहेको छ ।
यस्तै अंकृतले चलाएको स्कुटरलाई ठक्कर दिने मोटरसाइकलका चालक कपिलवस्तुको वाणगंगा घर भएका १८ वर्षीय सागर थारु पनि गम्भीर घाइते भएको इलाका प्रहरी कार्यालय बुटवलका प्रमुख विजयराज पण्डितले जानकारी दिए । प्रमुख पण्डितका अनुसार घाइते दुवै जनाको लुम्बिनी प्रादेशिक अस्पताल बुटवलमा उपचार भइरहेको छ ।
