चितवन, भदौ ३१
एशिया कप २०२३ को उपाधि भारतले जितेको छ । १० विकेटले भारत विजयी भएको हो । योसँगै भारतले एसिया कप आठौं पटक जितेको हो ।
जितको लागि ५१ रनको सामान्य लक्ष्य भारतले ६.१ ओभरमा कुनै विकेट नगुमाई पूरा गर्यो । भारतका शुभमन गिल १९ बलमा ६ चौकासहित २७ रनमा नटआउट रहे । ईशान किशन १८ बलमा ३ चौकासहित २२ रनमा नटआउट रहे ।
त्यसअघि श्रीलंकाको कोलोम्बोमा टस जितेर पहिला ब्याटिङ रोजेको श्रीलंका १५.२ ओभरमा ५० रनमा अल आउट भएको थियो ।
