काठमाडाैं साउन २३,
एसियाली फूटबल महासंघ (एएफसी) को आयोजनामा हुने एएफसी कप फूटबल प्रतियोगिताको प्रारम्भिक चरणमा नेपालको मछिन्द्र फूटबल क्लबले भुटानको पारो एफसी क्लबसँग खेल्दैछ ।
त्रिपुरेश्वरस्थित दशरथ रंगशालामा मंगलवार साँझ हुने खेलमा दुवै टोली तयारी अवस्थामा रहेको सोमवार आयोजित पत्रकार सम्मेलनमा जानकारी दिइयो ।
मछिन्द्र क्लबका प्रशिक्षक किशोर केसीले सबै प्रशिक्षण सकेर खेलका लागि आफ्नो टोली तयारी अवस्थामा रहको बताए । सहिद स्मारक ‘ए’ डिभिजन लिगको उपविजेता बनेको मछिन्द्रले एएफसी कप खेल्ने अवसर पाएको हो ।
लिगमा च्यापियन बनेको चर्च ब्वाइज क्लबसँग एएफसी क्लबको लाइसेन्स नहुँदा उपविजेता बनेको मछिन्द्रले मौका पाएको हो । यता भुटानको पारो एएफसी क्लब लिगमा पहिलो स्थान हासिल गर्दै प्रतियोगितामा सहभागिता जनाएको हो ।
पारो एफसीका प्रशिक्षक पुष्पलाल शर्माले भुटानमा लिग भइरहेकाले आफ्नो टोलीको तयारी राम्रो रहेको बताए । उनले मछिन्द्र क्लबमा राष्ट्रिय खेलाडी समेत समावेश रहेकाले आफूहरूले मछिन्द्र क्लबलाई बलियो प्रतिद्वन्द्वीको रूपमा लिएको बताए ।
मछिन्द्र र पारोबीचको खेलको विजेताले एएफसी कपको दोस्रो चरणमा भारतको मोहन बगान क्लबसँग खेल्ने मौका पाउनेछ । खेल साउन ३१ गते हुनेछ । मछिन्द्रले गत वर्ष पनि एएफसी कपको प्रारम्भिक चरण खेलेको थियो ।
खेलमा मछिन्द्र श्रीलंकन क्लब ब्लू स्टारसँग घरेलु मैदानमै पराजित भएको थियो
