चितवन, साउन ७
पूर्व–पश्चिम राजमार्ग अन्तर्गत पूर्वी चितवनको राप्ती नगरपालिका–२ गड्यौली चोकमा ट्रक र बलेरो ठोक्किदा बलेरो चालक घाइते भएका छन् ।
गएराति १२ः४० बजेको समयमा पूर्वबाट भरतपुरतर्फ आउँदै गरेको ना ६ ख २४२४ नम्बरको ट्रक र विपरित दिशाबाट जाँदै गरेको प्रदेश २–०३–००१ च २९५७ नम्बरको केरा बोकेको बलेरो आपसमा ठोक्किएका थिए ।
दुई सवारी आपसमा ठोक्किदा बलेरो चालक बारा जितपुर सिमरा उपमहानगरपालिका–३ बस्ने बर्ष २७ को प्रदिप तिमिल्सिना घाइते भएको जिल्ला प्रहरी कार्यालय चितवनका प्रहरी नायव उपरीक्षक भेषराज रिजालले जानकारी दिए ।
घाइतेको मुख र ढाडमा चोट लागेको र अवस्था सामान्य रहेको उनले बताए । घाइतेको चितवन मेडिकल कलेजमा उपचार भइरहेको छ भने दुवै सवारी साधनलाई प्रहरीले नियन्त्रणमा लिएको छ ।
तपाईको प्रतिक्रिया
सम्बन्धित समाचार
