हेर्नुस आज मिति २०८१ असार २७ गते बिहीवारको राशीफल

आज मिति २०८१ असार २७ गते | बिहीवार ११ जुलाई २०२४। आषाढ शुक्लपक्ष, पञ्चमी तिथि, ८ः३६ बजेपछि षष्ठी। पूर्वफाल्गुनी नक्षत्र, १२ः३५ बजेपछि उत्तरफाल्गुनी। चन्द्रराशि सिंह, १९ः१३ बजेपछि कन्या।

मेष
चु, चे, चो, ला, लि, लु, ले, लो, अ
कुनै कुरालाई टार्नुपर्ने हुन सक्छ । के कुरालाई कति प्राथमिकता दिने भन्ने आफैं विचार गर्नुपर्ला । काम गर्दा नहतारिएकै उचित हुनेछ ।
वृष
इ, उ, ए, ओ, बा, बि, बु, बे, बो
आफ्नो कुराले कसैलाई अप्ठ्यारो पर्ला कि भन्ने सोच्नुपर्ने छ । कसरी व्यवहार गर्दा उचित भन्ने विचार गर्नुपर्नेछ । आफ्नो सहजताको पनि उत्तिकै ख्याल गर्नुपर्ला ।
मिथुन
का, कि, कु, घ, ङ, छ, के, को, ह
पारिवारिक वातावरण सुखमय रहनेछ । सबै कुरा आफ्नै प्रभुत्वमा सम्पन्न हुनेछन् । अपेक्षित रुपमा सबै कुरा मिल्दा मन खुसी हुनेछ ।
कर्कट
हि, हु, हे, हो, डा, डि, डु, डे, डो
विभिन्न समारोहमा उपस्थिति जनाउनुपर्ला । सामयिक कुराको ख्याल गर्दै खट्ने प्रयास हुनेछ । कुनै कुरामा अनपेक्षित खर्च होला ।
सिंह
मा, मि, मु, मे, मो, टा, टि, टु, टे
समय आफू अनुकूल बन्दै जाँदा धेरै सहज हुनेछ । विभिन्न माध्यमबाट काममा सहयोग पाइनेछ । इच्छानुरुपका कामकाजमा आफूलाई समावेश गरिनेछ ।
कन्या
टो, प, पि, पु, ष, ण, ठ, पे, पो
अरूको कुरालाई राम्ररी बुझ्ने प्रयास गर्नुपर्नेछ । कामलाई कसरी पूर्णता दिने भन्ने सोचमा मन जानेछ । जुनै पनि काम गर्दा गम्भीर भएर खट्नुपर्ने अवस्था छ ।
तुला
र, रि, रु, रे, रो, ता, ति, तु, ते
समसामयिक कुराले केही व्यस्त बनाउला । कुनै मांगलिक कार्यमा उपस्थिति जनाउनुपर्नेछ । विभिन्न व्यक्तित्वसित चिनजान गर्ने मौका मिल्नेछ ।
वृश्चिक
तो, ना, नि, नु, ने, नो, या, यि, यु
अपेक्षित ढंगले सबै कुरा मिल्दै जानेछ । विभिन्न माध्यमबाट काममा सहयोग मिल्नेछ । बहुप्रतीक्षितकार्यमा सफलता मिल्नेछ ।
धनु
ये, यो, भ, भि, भु, ध, फा, ढ, भे
विविध कुरामा संलग्न हुनुपर्नेछ । प्राथमिकताका आधारमा आफ्नो प्रस्तुति दिन खोजिनेछ । स्वास्थ्य र खानपानप्रति पनि सजग रहनुपर्ने बेला छ ।
मकर
भो, ज, जि, खि, खु, खे, खो, गा, गि
विविध कुराले व्यस्त बनाउन सक्छ । अनपेक्षित कुराले काममा अलमल हुन सक्छ । तटस्थ रही आफ्नै सुझबुझले सुचारु रूपले काम पूरा गर्नेतर्फ लागिपरिनेछ ।
कुम्भ
गु, गे, गो, सा, सि, सु, से, सो, द
विभिन्न कामले ओहोरदोहोर गरिरहनुपर्ला । सकेसम्म सबैले तपाईंको अनुकूलताको विचार गर्नेछन् । समग्रमा आजको दिन तपाईंका लागि राम्रै रहनेछ ।
मीन
दि, दु, थ, झ, ञ, दे, दो, च, चि
जसरी हेरे पनि आजको दिन तपाईंकै अनुकूल रहनेछ । योजनानुसार सबै कुरामा सफल हुँदै गइनेछ । मनले एक प्रकारको राहतको अनुभव गर्नेछ ।