चितवन, जेठ ११ –
चितवनमा सहकारी पीडितहरु आन्दोलित बनेका छन् । जिल्लाका सहकारी पीडितहरु भेला भएर आज सदरमुकाम भरतपुरमा विरोध ¥याली गरेका हुन् ।
भरतपुरको चौबिसकोठीबाट सुरु भएको ¥याली जिल्ला प्रहरी कार्यालय चितवन, मालपोत चोक, जिल्ला प्रशासन कार्यालय हुँदै केन्द्रीय बस टर्मिनल पारस बसपार्कमा आएर कोण सभामा परिणत भएको थियो ।
सहकारी पीडितहरुले जिल्ला प्रशासन कार्यालयमा ज्ञापनपत्र समेत बुझाएका छन् । कोणसभामा चितवनका प्रमुख राजनीतिक दलका नेताहरुलाई पनि आमन्त्रित गरिएको थियो । सभामा नेपाली काँग्रेसका जिल्ला उपसभापति राजिव न्यौपाने र नेकपा समाजवादीका जिल्ला अध्यक्ष नरेन्द्र कन्दङ्वा को मात्र उपस्थिति रह्यो ।
कोण सभामा बोल्दै सहकारी पीडितहरुले अब सरकारले आफूहरुको पैसा फिर्ता गरिदिनु पर्ने माग राखे । केही सहकारी सञ्चालकहरु समातेर थुने पनि आफूहरुको पैसा फिर्ता नआएको प्रसंगलाई जोड्दै पीडितहरुले सहकारी सञ्चालकलाई पक्राउ गरेर मात्र समस्या समाधान नभएको बताए ।
देशभर ७५ लाख सहकारी पीडित रहेको र ती पीडितहरु विभिन्न सहकारीबाट ठगिएको भए पनि संसदमा २/३ वटा सहकारीको मात्र चर्चा भइरहेको प्रति आफूहरुको ध्यानाकर्षण भएको उनीहरुले बताए ।
