विराटनगर, २८ चैत
मोरङको सुन्दरहरैचा नगरमा एक भारतीय नागरिकको शव फेला परेको छ। उत्तर प्रदेश घर भएका २४ वर्षीय साजिक खानको शव पानीमा डुबेको अवस्थामा आज फेला परेको प्रहरीको भनाइ छ।
नगरको वडा नम्बर १२ स्थित पैनीमा फेलापरेका खानको निधार र मुखसहित शरीरका विभिन्न स्थानमा चोट देखिँएकाले उनको हत्या हुनसक्ने प्रहरीले बताएको छ।
शव पोस्टमार्टका लागि बीपी कोइराला स्वास्थ्य विज्ञान प्रतिष्ठान धरान लगिएको प्रहरीले जनाएको छ। उनी भाँडावर्तन बनाउने उद्योगका मजदुर रहेको प्रहरीको भनाइ छ।
