काठमाडौं १४ पुस
अमेरिकाको न्यु जर्सीमा दुई हेलिकप्टर आकाशमै ठोक्किए। अधिकारीहरूले दुर्घटनामा एक जनाको मृत्यु भएको र अर्का एक जना घाइते भएको बताएका छन्।
एसोसिएटेड प्रेसका अनुसार घटना स्थानीय समय अनुसार बिहान ११:२५ बजे एट्लान्टिक काउन्टीको सानो एयरफिल्ड ह्यामन्टन म्युनिसिपल एयरपोर्टमा भएको थियो।
ह्यामन्टन प्रहरी प्रमुख केभिन फ्रिलले विमानस्थल नजिकै विमान दुर्घटना भएको खबर पाएपछि आपतकालीन टोलीहरू पठाइएको बताए। घटनास्थलबाट प्राप्त भिडियोमा हेलिकप्टर जमिनमा ठोक्किनुअघि तीव्र गतिमा घुमिरहेको देखिएको छ।
स्थानीय सञ्चारमाध्यमका अनुसार फ्रीलले भने – जब प्रहरी र अग्निनियन्त्रक टोली घटनास्थलमा पुगे, उनीहरूले एउटा विमानमा आगो लागेको देखे र आगो नियन्त्रण गर्न द्रुत गतिमा काम गरे।
संघीय उड्डयन प्रशासनले एनस्ट्रोम एफ-२८ए हेलिकप्टर र एनस्ट्रोम २८०सी हेलिकप्टर बीचको टक्करको रिपोर्ट गरेको छ। दुर्घटनाको समयमा दुबै विमानमा पाइलटहरू मात्र थिए।
अधिकारीहरूले पुष्टि गरेअनुसार एक पाइलटको घटनास्थलमै मृत्यु भयो। अर्को पाइलटलाई घातक चोटपटक लागेपछि अस्पताल लगिएको थियो। पीडितहरूको पहिचानको बारेमा अहिलेसम्म कुनै जानकारी जारी गरिएको छैन।
एफएए र एनटीएसबी दुवैका लागि पूर्व दुर्घटना अनुसन्धानकर्ता एलन डिलले भने – अनुसन्धानकर्ताहरूले सम्भवतः टक्कर हुनुभन्दा पहिले पाइलटहरूले एकअर्कालाई देख्न सकेका थिए कि थिएनन् भन्ने कुरामा ध्यान केन्द्रित गर्नेछन्।
