पुष १ -टोरण्टो ।
क्यानडा सरकारले आफ्ना नागरिकहरुलाई अति आवश्यक काम बाहेक नेपाल भ्रमण नगर्न आग्रह गरेको छ । नागरिकको सुरक्षा जोखिमतालाई ध्यान दिएर सूचना जारी गरिएको हो ।
नेपाल भ्रमण गर्ने व्यक्ति तथा कोउनीहरुका परिवारलाई घुमफिर, व्यवसाय, अध्ययन वा अन्य कुनै कारणले पनि आवश्यक नपरेका खण्डमा नजान भनिएको छ । नेपालमा सुरक्षा चुनौति भएका कारण नेपाल जान वा क्यानेडियन नागरिक नेपालमै भए आफ्नो बसाई छोट्याउन भनिएको छ ।
नेपालमा हाल अशान्ति, हिंसा, कमजोर राजनीतिक अवस्था, कमजोर सुरक्षा अवस्था लगायतका कारण यात्रा नगर्न जानकारी दिइएको हो । नेपालमा क्यानडा सरकारको कन्सुलर सेवा सीमित भएका कारण पनि नेपालको बसाई खतरापूर्ण हुनसक्ने बताइएको छ ।
सेम्टेम्बर ८, २०२५ मा नेपालमा भएको प्रदर्शन र झडपका कारण सयौँको संख्यामा घाइते र मृत्यु भएको थियो । त्यसपछि बेलाबेला प्रदर्शन र विरोधका कार्यक्रमहरु भइरहेका सन्दर्भमा क्यानडा सरकारले नागरिकको थप सुरक्षाका लागि १५ डिसेम्बर अर्थातहिजो आज मंसिर २९ गते सोमबार सूचना अध्यावधिक गरेर जारी गरेको हो ।
