रत्ननगर,कार्तिक १६-
योगदान राष्ट्रको लागि रत्ननगर नगर समितिको सचिवमा बद्री धिताल निर्विरोध रुपमा चयन भएका छन्।
शनिवार रत्ननगरस्थित सहारा सुपरमार्केटमा रहेको होटल चिम्निमा सम्पन्न अधिवेशनले धिताललाई सचिव पदमा निर्विरोध चयन गरेको हो। रत्ननगर-१६ निवासी धिताल यस संस्थाका आजिवन सदस्य हुन्।
सो समितिको अध्यक्षमा विरन्जना घिमिरे,उपाध्यक्षमा सौरभ रिजाल र सह-सचिवमा लक्ष्मी पौडेल चयन भएका छन्।
त्यस्तै,सदस्यहरुमा पार्वती देवि मगर,लिला दाहाल,लक्ष्मी देवि तामाङ्ग,कमल घिमिरे,श्रुति राणा,ईश्वरी सिंखडा,निरज साह,अनु बोहरा र अरुणा कट्टेल चयन भएका छन्।
साथै,सो समितिको सल्लाहकारहरुमा रामहरी लम्साल,वसन्त राना,लक्ष्मण पौडेल चयन भएका छन्।
“प्राथमिक उपचार, हाम्रो सरोकार” भन्ने मुल नारा लिई एक घर, एक प्राथमिक उपचारको अवधारणा सहित वि.सं. २०७४ बाट सुरु भएको यो संस्थाले वि.सं. २०७७ मा विधिवत रुपमा दर्ता गरी सामाजिक क्षेत्रमा विविध कार्यहरु गर्दै आएको छ।
चावहिल-७,काठमाडौँमा केन्द्रिय कार्यालय रहेको यस मुनाफारहित संस्था स्वास्थ्यको क्षेत्रमा प्राथमिक उपचार, सरसफाई, जनचेतना लगायत सम्पूर्ण सामाजिक कार्यक्रम गर्ने,दैवी प्रकोपमा योगदान गर्न स्वयंसेवकको भूमिका निर्वाह गर्ने,प्राथमिक उपचार, आगलागी, बाढी पहिरोबाट बच्ने उपायको तालिम सञ्चालन गर्ने तथा दैनिक जीवनमा आइपर्ने समस्याहरुको समाधानमा सहयोग गर्ने ,देशमा दैवी प्रकोपको कारणले सृजना भएको प्रतिकुल परिस्थितिमा आवश्यक सहयोग गर्न पहल गर्ने,राष्ट्रलाई आइपर्ने महामारी, भवितव्य आपतकालिन समस्यासँग जुध्न प्रशिक्षित जनशक्ति तयार गर्ने र गुणस्तरीय एम्बुलेन्स सेवा सञ्चालन गर्ने उद्देश्यसहित संचालनरत छ।
