काठमाडाैं,साउन १-
भारतको बिहारको राजधानी पटनास्थित एक अस्पतालमा उपचाररत एक कैदीको गोली हानी हत्या गरिएको छ ।
पटनाको पारस अस्पतालमा उपचाररत एक कैदीलाई एउटा समूहले अस्पतालमै पसेर गोली हानी हत्या गरेको भारतीय सञ्चार माध्यमहरूले जनाएका छन् ।
समाचारअनुसार पारस अस्पताल राजधानी पटनाको राजा बजारमा अवस्थित छ र यो शहरको मुख्य अस्पतालहरू मध्ये एक हो ।
कैदीको नाम चन्दन मिश्र हो, जो बक्सर जिल्लाका निवासी हुन् । उनीमाथि केशरी नामक व्यक्तिको हत्या गरेको आरोप छ।
चन्दन मिश्रको विपक्षी समूहले अस्पतालमा प्रवेश गरेर धेरै राउन्ड गोली चलाइएको थियो । जसमा चन्दनको मृत्यु भएको समाचारमा उल्लेख छ ।
केही दिनअघि मात्र पटनाका प्रमुख व्यवसायी गोपाल खेमकाको गान्धी मैदान नजिकै उनको घरको ढोकामा हत्या गरिएको थियो ।
तपाईको प्रतिक्रिया
सम्बन्धित समाचार
