चितवन, जेठ १ –
चितवनको सौराहा चोकमा ट्रकको ठक्करबाट स्कुटर चालकको मृत्यु भएको छ ।
जिल्ला प्रहरी कार्यालय चितवनका अनुसार ना ६४ प ४३३ नम्बरको स्कुटर र भरतपुरबाट खैरहनी तर्फ जाँदै गरेको ना ६ ख ६२८२ नम्बरको खाली ट्रक ठक्कर खाँदा दुर्घटना भएको हो ।
स्कुटर चालक रत्ननगर नगरपालिका ९ बस्ने २७ वर्षीय किशोर श्रेष्ठको उपचारको क्रममा चितवन मेडिकल कलेज (सिएमसी) मा मृत्यु भएको प्रहरीले जनाएको छ । दुर्घटनामा घाइते भएका स्कुटरमा पछाडि सवार सागर बुढाथोकी उपचारपछि डिस्चार्ज भएका छन् ।
प्रहरीले हाल स्कुटर, ट्रक र ट्रक चालकलाई नियन्त्रणमा लिएको जनाएको छ ।
